Thursday, September 20, 2018
Home > breaking > प्रहरी र नागरिक समाजको सहकार्य आवश्यक

प्रहरी र नागरिक समाजको सहकार्य आवश्यक

काठमाडौँ, भदौ ३ ।
लागुऔषध रोकथाममा प्रहरी र नागरिक समाजको सहकार्य आवश्यक रहेको बताइएको छ ।

महानगरीय प्रहरी वृत्त सिंहदरबारले शनिबार आयोजना गरेको ‘टोलटोलमा प्रहरी अभियान–२०७५’ मा प्रहरी र नागरिक समाज मिले मात्र समाजमा घट्ने घटनालाई न्यूनीकरण गर्न सकिने बताइएको हो ।

कार्यक्रममा प्रदेशसभा सदस्य दीपेन्द्र श्रेष्ठले समाजमा हुने अपराध रोकथाम गर्न नागरिक समाजको उत्तिकै उत्तरदायित्व रहने बताउनुभयो । “अपराध नियन्त्रणका लागि प्रहरी र नागरिक समाजको सहकार्य आवश्यक छ,” उहाँले भन्नुभयो ।

महानगरीय प्रहरी परिसर काठमाडौँका प्रमुख वसन्तकुमार लामाले टोलटोलमा प्रहरी अभियानलाई सार्थक बनाउन नागरिक सहकार्य र समन्वयको आवश्यता भएको बताउँदै नागरिक समाजको विश्वास जितेर मात्र समाजमा हुने विकृति तथा विसंगति निर्मूल पार्न सकिनेछ भन्नुभयो ।

सशस्त्र प्रहरी बलका पूर्वमहानिरीक्षक सिंहबहादुर श्रेष्ठले समाजमा शान्तिसुरक्षाको चुनौती थपिँदै गएको अवस्थामा नागरिक समाजको सहयोगमा शान्तिसुरक्षा कायम गर्न सहज हुने बताउनुभयो ।

सामुदायिक सेवा केन्द्र घट्टेकुलाका अध्यक्ष टङ्क श्रेष्ठ, काठमाडौँ परिसरका प्रहरी उपरीक्षक रामदत्त जोशी, सिंहदरबार वृत्तका प्रमुख काजीकुमार आचार्य, काठमाडौँ महानगरपालिका–११ का अध्यक्ष हिरालाल तण्डुकार लगायतले समाज सुधारका लागि सबै एकजुट हुनुपर्नेमा जोड दिनुभयो ।

सोही अवसरमा विभिन्न विद्यालयका विद्यार्थी, सङ्घसंस्था, सामुदायिक सेवा केन्द्रका प्रतिनिधि लगायतले घट्टेकुलो अनामनगर क्षेत्रमा जनचेतनामूलक ¥याली गर्नुभएको थियो । रासस

Leave a Reply

Your email address will not be published. Required fields are marked *

%d bloggers like this: