Thursday, June 27, 2019
Home > breaking > आवधिक योजना साझा सहमतिमै कार्यान्वयन गरिने

आवधिक योजना साझा सहमतिमै कार्यान्वयन गरिने

हेटौँडा, असोज १४ ।
प्रदेश नं ३ का मुख्यमन्त्री डोरमणि पौडेलले प्रदेशमा सञ्चालन हुने पाँच वर्षे आवधिक योजनालाई अब साझा सहमतिको आधारमा गुरुयोजना तयार गरी स्थानीय तहमा क्रमशः कार्यान्वयन गर्दै लैजाने नीति रहेको बताउनुभएको छ ।

उक्त प्रदेशको नीति तथा योजना आयोगद्वारा आइतबार हेटौँडामा आयोजित ‘आवधिक विकास आयोजनाको आधारपत्र तर्जुमा कार्याशाला गोष्ठी’ शुभारम्भ गर्दै उहाँले विगतको समयमा राष्ट्रिय योजना आयोगबाट निर्देशित योजनालाई अब सुधार गरी प्रदेशस्तरबाटै जनभावना अनुरुपको भूगोल, व्यवहारिक, दिगो र सन्तुलित विकास योजनालाई उच्च प्राथमिकताका साथ कार्यान्वय गरिने जानकारी दिनुभयो ।
उहाँले आवधिक योजनालाई जनप्रतिनिधिको सुझावअनुरुप छनोट गरी जनताको घरदैलोमा पु¥याउन व्यावहारिक दक्ष जनशक्ति उपलब्ध गराउँदै अब प्रदेश सरकारले वृहत् योजनालाई बंैकिङको स्वरूप दिने र आवश्यकताअनुसार कार्यान्वयन गर्दै लैजाने सुझाव दिनुभयो ।

प्रदेशस्तरीय नीति योजना आयोगका उपाध्यक्ष डा खिमलाल देवकोटाले अब वैज्ञानिक सोच र चिन्तनद्वारा आवधिक योजनालाई समीक्षा गरी तत्काल दिगो व्यवस्थापन गर्न सकिने राष्ट्रिय गौरवको आयोजनालाई सन्तुलित ढङ्गबाट परिचालन गर्नका लागि आवश्यक नीति योजना र अनुगमन गर्न प्रदेश सरकारले निरन्तरता दिनुपर्ने सुझाव दिनुभयो ।

भोलिसम्म सञ्चालन हुने सो गोष्ठीमा उक्त प्रदेशका मुख्य मन्त्री तथा मन्त्रीहरू प्रदेशस्तरीय नीति योजना आयोगका पदाधिकारी, योजनाविद्, मकवापुर जिल्लाबाट निर्वाचित स्थानीय तहका जनप्रतिनिधि, मन्त्रिपरिषद् कार्यालयका मुख्यसचिव आनन्दराज ढकाल, विभिन्न मन्त्रालयका सचिवको सहभागिता थियो । रासस

%d bloggers like this: