Saturday, November 17, 2018
Home > breaking > नयाँ संहिताले सामाजिक सद्भाव बलियो बनाउँछ : थापा

नयाँ संहिताले सामाजिक सद्भाव बलियो बनाउँछ : थापा

काठमाडौँ, भदौ २ ।
राष्ट्रिय प्रजातन्त्र पार्टीका अध्यक्ष कमल थापाले भदौ १ गतेदेखि लागू भएको नयाँ देवानी संहिताले मुलुकको सामाजिक तथा सांस्कृतिक सद्भावलाई बलियो बनाउने विश्वास व्यक्त गर्नुभएको छ ।

राष्ट्रिय प्रजातान्त्रिक उत्पीडित उत्थान सङ्गठनले ५६औँ मुक्ति दिवसको अवसरमा शुक्रबार आयोजना गरेको अन्तक्र्रियामा अध्यक्ष थापाले ती संहिता प्रयोग नहुँदै असन्तुष्टि र विरोधका स्वरहरु आउनु राम्रो सङ्केत नभएको धारणा राख्नुभयो ।

उहाँले जंगबहादुर राणाले प्रादुर्भाव गराएको छुवाछूत प्रथालाई कानूनीरुपमै अवैध ठह¥याउने गरी तत्कालीन राजा महेन्द्रले विसं २०२० मा नयाँ मुलुकी ऐन ल्याएको स्मरण गर्दै उहाँले कागजी रुपमा मात्र नभएर सामाजिकरुपमा नै छुवाछूत प्रथाको अन्त्यका लागि पार्टीले प्रत्येक वर्ष भदौ १ गते दिवस मनाउँदै आएको विचार व्यक्त गर्नुभयो ।

देशको समग्र जनसङ्ख्याको २० प्रतिशत हिस्सा ओगटेको दलित समुदायका अधिकारलाई संरक्षण गरी राज्यको मूलधारमा ल्याउन सङ्गठनका पदाधिकारीलाई अध्यक्ष थापाले आग्रह गर्नुभयो ।

यसैबीच पार्टीको सङ्गठन विभागले प्रदेश नं ३ का जिल्ला सचिवलाई सूचना प्रविधिसम्बन्धी तालीम प्रदान गरेको छ । पार्टीका सदस्यलाई विद्युतीय अभिलेखमा आबद्ध गरी स्मार्ट कार्ड वितरण गरिने प्रवक्ता भुवन पाठकले जानकारी दिनुभयो । यस किसिमको तालीम सातै प्रदेशमा उपलब्ध गराइने जनाइएको छ । रासस

%d bloggers like this: