Monday, May 20, 2019
Home > breaking > जिप दुर्घटना हुँदा ६ जना घाइते

जिप दुर्घटना हुँदा ६ जना घाइते


सञ्चारक
डोटी, जेठ ४ ।
डोटीको जोरायल गाउँपालिका-४ लक्ष्मीनगरमा शुक्रबार जिप दुर्घटना हुँदा ६ जना घाइते भएका छन् । बुडर-जोरायल सडक खण्डअन्तर्गत पर्ने बाँजीलेक गुँयली भन्ने ठाउँमा ना१ज ३११९ नम्बरको जिप दुर्घटना भएको छ।

घाइतेमध्ये नरेश मडै र चित्रा शाहानीको अवस्था गम्भीर रहेको प्रहरीले जनाएको छ । अन्य घाइतेहरुमा वीरेन्द्र शाहु, घुव्रराज जोशी, जेतबहादुर खत्री, सिर्जना खत्री रहेको छन् । जोरायलबाट कैलालीका लागि हिँडेको जिप सडकबाट करिब २ सय मिटर तल खसेको जिल्ला प्रहरी कार्यालय डोटीले जनाएको छ।

घाइतेहरुको सरस्वती प्राथमिक स्वास्थ्य केन्द्रमा उपचार भइरहेको छ भने गम्भीर घाइतेको थप उपचारका लागि कैलाली पठाइएको छ।

%d bloggers like this: