Thursday, November 15, 2018
Home > breaking > काँग्रेस समीक्षा बैठकमा छ सदस्यद्वारा मत व्यक्त

काँग्रेस समीक्षा बैठकमा छ सदस्यद्वारा मत व्यक्त

काठमाडौँ, बैशाख १३ ।
नेपाली काँग्रेस केन्द्रीय कार्यसमितिको निर्वाचन समीक्षासम्बन्धी बैठकमा छ जना केन्द्रीय सदस्यले आ–आफ्ना धारणा राख्नुभएको छ ।

बैठकमा विमलेन्द्र निधि, महेश आचार्य, डा प्रकाशशरण महत, शंकर भण्डारी, मोहनबहादुर बस्नेत र प्रवक्ता विश्वप्रकाश शर्माले आ–आफ्नो धारणा राख्नु भएको पार्टी मुख्यसचिव कृष्णप्रसाद पौडेलले जानकारी दिनुभयो ।

बैठकमा उहाँहरुले पार्टीले निर्वाचनमा हार्नुका कारण, पार्टीभित्र देखिएको अस्वस्थ्य प्रतिस्पर्धा एवं आगामी दिनमा पार्टीलाई अगाडि बढाउने रणनीतिका विषयमा गम्भीर हुन नेतृत्वको ध्यानाकर्षण गराउनु भएको थियो ।

बैठकमा शंकर भण्डारीले स्व खुमबहादुर खड्काले पार्टीमा पु¥याउनुभएको योगदान, पार्टीभित्र देखिएको अस्वस्थ्य प्रतिस्पर्र्धा र नेपाली काँग्रेस सरकारमा हुँदा भएका निर्णयको जिम्मेवारीका विषयमा आफ्नो विचार राख्नुभएको थियो ।

उक्त बैठकमा प्रवक्ता शर्माले पराजयका छ वटा कारण प्रस्तुत गर्दै पार्टीभित्रको अन्तर्घात, आमनागरिकको मन जित्न असफल, महत्वपूर्ण मुद्दामा बहिर्गमन, सम्प्रेषण क्षमतामा ह्रास, ओझेलमा परेको भविष्य, परम्परागत संगठन शैली, सैद्धान्तिक पुनःव्याख्याको अभावलाई आँैल्याउनुभएको थियो । रासस

%d bloggers like this: