Thursday, April 26, 2018
Home > breaking > नीति तथा कार्यक्रममाथि छलफल सकियो

नीति तथा कार्यक्रममाथि छलफल सकियो

धनगढी, बैशाख १ ।
प्रदेश नं ७ का प्रमुख मोहनराज मल्लले प्रदेशसभा बैठकमा प्रस्तुत गर्नुभएको सरकारको आर्थिक वर्ष २०७४/०७५ को बाँकी अवधिको नीति तथा कार्यक्रममाथिको छलफल सकिएको छ ।

शुक्रबारको छलफलमा भाग लिने प्रदेशसभाका अधिकांश सदस्यले नीति तथा कार्यक्रममा समेटिएका योजनाको कार्यान्वयनमा स्पष्टता नदेखिएकोले समस्या आउनसक्ने बताउनुभयो ।

प्रदेशसभा सदस्यले प्रदेशमा वर्षौँदेखि ऐलानी जग्गा भोग चलन गर्दै आएकाहरुलाई जग्गाको स्वामित्व दिने, मुक्त कमैया पुनःस्थापनाको काम टुङ्याई यो विषयलाई अनन्तकालसम्म जान दिनु नहुने, बहुमूल्य जडीबुटी यार्सा गुम्बाको संकलन र प्रशोधन केन्द्र स्थापना गरी आम्दानी गर्ने, युवा बेरोजगारीको अन्त्य गर्ने, वनको वैज्ञानिक व्यवस्थापन र सीपयुक्त जनशक्ति तयार पार्ने जस्ता कार्यक्रम प्राथमिकता दिएर समेटिनुपर्ने आग्रह गर्नुभयो ।
प्रदेशसभाको अर्को बैठक आगामी वैशाख ३ गते अपराह्न १ बजे बस्नेछ । रासस

Leave a Reply

Your email address will not be published. Required fields are marked *

%d bloggers like this: