Sunday, October 21, 2018
Home > breaking > राजदूत खनालद्वारा ओहोदाको प्रमाणपत्र प्रस्तुत

राजदूत खनालद्वारा ओहोदाको प्रमाणपत्र प्रस्तुत

काठमाडौँ, फागुन ४ ।
हंगेरीका लागि नेपालका राजदूत रमेशप्रसाद खनालले हालै बुडापेस्टस्थित सान्दोर राजप्रासादमा आयोजित विशेष समारोहमा राष्ट्रपति जानोस अडेरसमक्ष आफ्नो ओहदाको प्रमाणपत्र प्रस्तुत गर्नुभयो ।

त्यसअवसरमा राजदूत खनालले नेपालका राष्ट्रपति र प्रधानमन्त्रीका तर्फबाट हंगेरी सरकार र त्यहाँका जनताप्रति सद्भाव मैत्री र सहयोगको सन्देश प्रवाह गर्नुभएको जर्मनीको बर्लिनस्थित नेपाली राजदूतावासले जनाएको छ ।

राजदूत खनालले ५५ वर्ष पुरानो नेपाल–हंगेरी कूटनीतिक सम्बन्धलाई अझ सुदृढ तुल्याउन सकिने प्रशस्त सम्भावना रहेको चर्चा गर्दै व्यापार, पर्यटन र सांस्कृतिक सहयोग अभिवृद्धिमा जोड दिनुभयो ।

राष्ट्रपति जानोसले राजदूतको स्वागत गर्दै हंगेरी र नेपालबीच व्यापार, पर्यटन र आर्थिक सहयोगका क्षेत्रमा सहयोग वृद्धि भएकामा हर्ष प्रकट गर्नुभयो ।

समारोहमा हंगेरी सरकारका उच्चपदस्थ अधिकारीहरुको उपस्थिति थियो ।

त्यसअघि जर्मनीका लागि पनि राजदूत रहनुभएका खनालले बुडापेस्टस्थित हिरोज स्क्वायरमा पुष्पगुच्छा अर्पण गर्नुभएको थियो । रासस

Leave a Reply

Your email address will not be published. Required fields are marked *

%d bloggers like this: