Thursday, April 26, 2018
Home > breaking > नगरका सडक विस्तार गरिँदै

नगरका सडक विस्तार गरिँदै

बागलुङ, फागुन १ ।
जैमिनी नगरपालिकाभित्रका सडक विस्तार गर्ने कार्य शुरु भएको छ ।

नगरका सबै वडासम्म जोडिएका मुख्य सडकलाई सात मिटर चौडा गर्न लागिएको हो । सडक विस्तारसँगै नाली, पर्खाललगायत पूर्वाधार निर्माण भइरहेको छ । अव्यस्थित सडकले दुर्घटनाको जोखिम बढाएका कारण सडकको स्तर वृद्धि योजना नगरपालिकाले अघि बढाएको छ ।

चालु आवमा रु एक करोडभन्दा बढी बजेट सडकका लागि छुट्ट्याइएको नगरपालिकाका प्रमुख प्रशासकिय अधिकृत विष्णुप्रसाद सुवेदीले बताउनुभयो । कुश्मीसेरा–दमेक–पैंँयूथन्थाप–राङखानी हुँदै बरेङ गाउँपालिका जोड्ने सडक सुधारको लागि रु ४० लाख बजेट विनियोजन गरिएको छ ।

यस्तै, कुश्मिसेरा–सर्कुवा–व्याडथला हुँदै बरेङ गाउँपालिका जोड्ने अर्को सडकलाई रु ४० लाख ८० हजार बजेट छुट्ट्याइएको छ । दुबै सडक स्तरवृद्धिका लागि लागत योजना तयार गरेर काम शुरु गरिएको सुवेदीले बताउनुभयो । “साँधुरा र जीर्ण सडक सुधार गरेर बाह्रैमास चल्ने बनाउँदैछौ,” उहाँले भन्नुभयो ।

नगरभित्र नयाँ सडक मापदण्ड पु¥याएर मात्र खोलिने छ । सडक चक्लाएर ठूला सवारी साधन गुडाउने योजना रहेको जैमिनी नगरपालिका–९ का वडाध्यक्ष भगिन्द्रकुमार थापाले बताउनुभयो । नियमित मर्मतसुधार नुहँदा ग्रामीण भेगका अधिकांश सडक जीर्ण अवस्थामा छन् ।

नगर प्रमुख इन्द्रराज पौडेल भएका सडकलाई स्तरीय बनाउने कार्य चुनौतीपूर्ण रहेको बताउनुहुन्छ । नगरपालिकाले नगरभित्रका सबै विद्यालयलाई सडक सञ्जालसँग जोड्ने योजना बनाएको छ । आगामी दुई वर्षभित्र नगरभित्रका ८० वटै विद्यालयसम्म सडकको पहुँच पु¥याइने पौडेलले बताउनुभयो । रासस

Leave a Reply

Your email address will not be published. Required fields are marked *

%d bloggers like this: