Thursday, April 26, 2018
Home > breaking > शव फेला

शव फेला

कपिलवस्तु, पुस २८ ।
यहाँ खोलाको बगरमा एकजना पुरुष मृतावस्थामा फेला परेका छन् ।

दाङ लमई नगरपालिका–५ गङ्डी राजपुर बस्ने ४० वर्षीय विकासु चौधरी आज बिहान बुद्धभूमि नगरपालिका–१ टिक्करदेखि जंगलको कुन्द्रे खोला बगरमा मृतावस्थामा फेला परेको इलाका प्रहरी कार्यालय गोरुसिङ्गेका प्रहरी निरीक्षक मनोहरराज श्रेष्ठले जानकारी दिनुभयो ।

दाङ घरबाट दुई दिनअघिदेखि हराइरहेका चौधरी आज मृतावस्थामा फेला परेका हुन् । चौधरी झारफुक गर्न भनी यहाँको वाणगंगा नगरपालिका–९ रामदतिवन धाम आएको र बिहीबार साँझ आफूसँग घर जान्छु भनी हिँडेको धामका भोलेबाबाले जानकारी दिनुभयो । चौधरीले मादकपदार्थ सेवन गर्ने गरेको साथै उनलाई मृगी रोगसमेत भएको बताइएको छ ।

अत्यधिक मादकपदार्थ सेवन र बिरामीका कारण उनको मृत्यु भएको हुन सक्ने प्रहरीले प्रारम्भिक अनुमान गरेको र थप अनुसन्धान भइरहेको प्रहरीले जनाएको छ । शव आजै परिवारको जिम्मा लगाइने बताइएको छ । रासस

Leave a Reply

Your email address will not be published. Required fields are marked *

%d bloggers like this: