Wednesday, December 12, 2018
Home > top news > कर्मचारी मञ्चद्वारा राजपाको केन्द्रीय कार्यालयमा तोडफोड

कर्मचारी मञ्चद्वारा राजपाको केन्द्रीय कार्यालयमा तोडफोड

पार्टीले छान्यो प्रदेशसभा सदस्य

काठमाडौं, पुस १४ ।
प्रदेशसभा सदस्यको अन्तिम समानुपातिक सूची (निर्वाचित) मा नपरेको झोंकमा नेपाल मधेशी निजामती कर्मचारी मञ्चका सदस्यहरूले शुक्रबार राष्ट्रिय जनता पार्टी नेपालको केन्द्रीय कार्यालयमा तोडफोड गरेका छन् ।

मञ्चका अध्यक्ष विनोद सिँह प्रदेशसभा सदस्यमा समानुपातिकतर्फ अटाउन मञ्चबाट राजीनामा दिएका थिए । राजपा नेपालको बबरमहलस्थित केन्द्रीय कार्यालय मञ्चकै मधेश भवनमा छ ।

राजपा नेपाललाई केन्द्रीय कार्यालयका लागि भवन उपलब्ध गराएको र सरकारी जागिरबाट समेत राजीनामा दिएकाले सिँह प्रदेशसभा सदस्यमा पर्ने अनुमान मञ्चका अन्य कर्मचारीहरूको थियो । तत्कालीन तमलोपा निकट रहेका सिँह अन्तिम क्षणमा सूचीबाट बाहिरिएको कर्मचारीहरूको आरोप छ ।

मञ्चसँग आबद्ध कर्मचारीहरूले आफ्नो मातृसंस्था मान्ने राजपा नेपालको बोर्ड च्यात्नुका साथै अध्यक्ष मण्डलका सदस्यहरूको नामावलीसमेत फ्याँकेका छन् ।

यसैगरी आज राजपा नेपालले प्रदेश २ का लागि चयन गरेको समानुपातिकतर्फका अन्तिम सदस्यको नामावलीमा बबीता चौधरी, नीलमदेवी भूमिहारिन, अन्जु कुमारी, पुनम यादव, विभा ठाकुर, डिम्पल झा, रामनरेश राय, जानकीशरण साह रहेका छन् ।

राजपा महासचिव केशव झाले केन्द्रीय मञ्चका कर्मचारीद्वारा कार्यालयमा भएको तोडफोडको निन्दा गरेका छन् ।

%d bloggers like this: