Wednesday, July 18, 2018
Home > समाचार > सञ्चारकका कार्यकारी सम्पादकमा साउद

सञ्चारकका कार्यकारी सम्पादकमा साउद

 

सञ्चारक
काठमाडौं, मंसिर २८ ।

सञ्चारक मिडिया एन्ड कन्सल्टेन्सी प्रालिद्वारा स्थापित सञ्चारक डटकमका कार्यकारी सम्पादकमा पार्वती साउदलाई नियुक्त गरिएको छ । मंसिर मसान्तबाट कार्यभार सम्हाल्ने गरी पत्रकार साउदलाई सो जिम्मेवारी दिइएको हो ।

गत आधा दशकभन्दा बढी समयबाट रेडियो, छापा र अनलाइन पत्रकारितामा संलग्न रहँदै आएकी साउद धनगढी उपमहानगरपालिका निवासी हुन् । उनी पत्रकारितामा स्नातक छिन् ।

करिब डेढ वर्षदेखि बन्द रहँदै आएको यो सञ्चारक डटकम न्युज पोर्टललाई पुनः सञ्चालन गर्नेगरी साउदलाई सो जिम्मेवारी दिइएको हो । साथै न्युज पोर्टलको सम्पादकीय एवं व्यवस्थापकीय टोलीमा व्यापक हेरफेर गरिएको छ । जसअनुसार आगामी पुस १ गतेबाट नयाँ अनुहार र नयाँ टोलीका साथ यो अनलाइन नयाँ स्वरूपमा पाठकमाझ देखा पर्नेछ ।

नवनियुक्त कार्यकारी सम्पादकलाई सञ्चारक मिडिया एन्ड कन्सल्टेन्सी प्रालिका अधिकारीहरूले संस्थामा स्वागत गर्दै सफल कार्यकालको कामना गरेका छन् ।

Leave a Reply

Your email address will not be published. Required fields are marked *

%d bloggers like this: