Tuesday, April 23, 2019
Home > top news > हिन्दू मेलामा इस्लामिक पुस्तकको पैठ

हिन्दू मेलामा इस्लामिक पुस्तकको पैठ

सञ्चारक
जनकपुर, फागुन २ ।
संविधानले धर्मनिरपेक्षतालाई सुनिश्चित गरेपछि धर्मान्तरण गरेका अन्य धार्मिक सामुदायहरुले हिन्दू धर्मालम्बीहरुका विभिन्न उत्सवलाई आफ्ना धर्मको प्रचारप्रसार गर्र्ने आधार बनाउन थालेका छन् । धनुषाधाममा लाग्ने मकर मेलामा मुस्लिम समुदायले आफ्नो धर्मको प्रचार प्रसार गर्दै इस्लमिक पुस्तक प्रदर्शनीमा व्यस्त देखिएको छ ।

islamic_book
इस्लामिक पुस्तकबारे जानकारी गराउन पुस्तक बिक्रीवितरणले सघाउ पुर्याउने यस कार्यमा संलग्न व्यक्तिहरु बताउँछन् ।
एक महिनासम्मको यस मेलामा नद्वतुशशबाब अल इस्लामी तथा फ्रेन्डस अफ नेपालको आयोजनामा पुस्तक प्रदर्शनी गरिएको हो ।
उक्त प्रदर्शनीका संयोजक जैनुद्दिन मियाले पन्ध्र सय पुस्तकहरु सःशुल्क र निःशुल्क वितरण गरिएको बताए ।
इस्लामप्रतिको भ्रम निवारण र कुरआनले सम्पूर्ण मानवलाई एकापसमा भाइचाराको सम्बन्धलाई बढाउने सन्देश प्रवाहित गर्ने भन्दै नयाँ ढंगले पुस्तक प्रर्दर्शनीको आयोजना गरिएको जैनुद्दीनले भने ।
नदवतुशशबाब अल इस्लामीका अध्यक्ष अब्दुल अजिज सलफीले यसरी पहिलो पटक पुस्तक प्रदर्शनी र अन्य ठाउँमा समेत यसरी नै पुस्तक बिक्रीवितरण गर्ने कार्यक्रम रहेको बताए ।

%d bloggers like this: