Monday, August 19, 2019
Home > top news > हङकङमा उपेन्द्र यादवको हुङ्कार

हङकङमा उपेन्द्र यादवको हुङ्कार

 

न्दोलनको आँधीबेह्री हिपतमै एकसाथ उठ्ने

upendra_yadav_in_honkong

सञ्चारक

काठमाडौं,फागुन २ ।

सङ्घीय समाजवादी फोरम नेपालका अध्यक्ष उपेन्द्र यादवले आदिबासी जनजातिलाई मधेशी समुदायसँग मिलेर सरकारविरुद्धको लडाइँमा सँगै मैदानमा उत्रिन आह्वान गरेका छन् । मधेशी, आदिबासी जनजाति, थारु, दलित, महिला, मुस्लिम, सीमान्कृत र वर्षौदेखि उत्पीडनमा परेका समुदायलाई पहिचान र अधिकार नदिने सरकारको चक्रव्यूह तोड्न अब हिमाल, पहाड र तराईबाट एकसाथ आन्दोलनको आँधीबेरी उठ्ने उनले चेतावनी दिए ।

नेपालका प्रथम शहीद लखन थापा मगरको १३९ औं स्मृति दिवसको अवसरमा नेपाल आदिबासी जनजाति महासंघले हङकङमा आयोजना गरेको अन्तक्र्रिया कार्यक्रममा बोल्दै यादवले उत्पीडित र शोषित समुदायलाई ‘फुटाउ र राज गर’ को नीति सरकारले अख्तियार गरेकोले मधेशी र जनजाति सँगै मिलेर संघर्षलाई उत्कर्षमा पु¥याउनुको विकल्प नरहेको बताए । ‘मधेशी र जनजाति समुदायको उत्पीडिन, समस्या, दुःख र माग उस्ताउस्तै छन्’,– अध्यक्ष यादवले भने, ‘विभेद र उत्पीडन विरुद्धको जारी संघर्षमा दुवै समुदाय मिल्नैपर्छ ।’ उनले पहिचान र अधिकारप्राप्तिको आन्दोलनले सरकारलाई घुँडा टेक्न बाध्य तुल्याउने जिकीर पनि गरे ।  upendra_yadav_in_honkong_1

“कुनै पनि मधेशी वा जनजातिले राष्ट्रघाती सम्झौता गरेका छैनन् । राष्ट्रिय एकता र अखण्डतालाई सधैँ घात गर्ने राजनीतिक दल र नेताहरुले मधेशी र जनजातिहरुलाई अधिकारबाट वञ्चित गर्न षड्यन्त्र गर्दैआएका छन्” –उपेन्द्र यादव
हिमाल, पहाड र तराईको समान पीडालाई बुझेर नै आफूहरुले तीनओटा पार्टीबीच एकता गरेको उनले बताए । ‘हामीले हिमाल, पहाड र तराईलाई जोडेर राष्ट्रिय एकता र अखण्डतालाई बलियो बनाउन चाहेका छौं तर कांग्रेस र एमालेलगायतका पार्टीहरुले विभिन्न समुदायबीचको एकता र सद्भावलाई खण्डित गर्न चाहन्छन्’– उनले भने । कुनै पनि मधेशी वा जनजातिले राष्ट्रघाती सन्धीसम्झौता नगरेको दाबी गर्दै यादवले भने, ‘राष्ट्रिय एकता र अखण्डतामा सधैँ घात गर्दैआएका पार्टी र नेताहरुले मधेशी र जनजातिलाई अधिकारबाट वञ्चित गर्ने षड्यन्त्रमा लागेका छन् ।’

परिवर्तनको आडमा प्रमुख प्रतिपक्षी दल नेपाली कँंग्रेस र सत्ताधारी एमालेसहित विभिन्न दलहरुले विगतमा राजा फर्काउने खेलमा लागेको उनले आरोप लगाए । मोर्चाको निर्णयबेगर वीरगञ्जको सीमानाकालाई षड्यन्त्रमूलक ढंगले बल प्रयोग गरी खुलाइएको दाबी गर्दै अध्यक्ष यादवले व्यक्तिगत स्वार्थमा लागेका र मिसन वा भिजन नभएका नेताहरुले गर्दा देशको अवस्था यस्तो आएको बताए ।

सीमानाका धर्ना स्थगनको निर्णय गरेर हङकङ पुगेका मधेशी मोर्चाका घटक दल सङ्घीय समाजवादी फोरम नेपालका अध्यक्ष यादवले वीरगञ्जको सीमानाकालाई बल प्रयोग गराएर षड्यन्त्रपूर्वक खुलाइएको दाबी गरे ।

राणा शासनविरुद्ध आन्दोलन गरेर ज्यानको आहुति दिने सहीद लखन थापाको योगदानबारे अध्यक्ष यादवले खुलेर प्रशंसा गरेका छन् । सहिद थापाको स्मृति दिवसमा सरिक हुन शनिवार राति यादव हङकङका लागि प्रस्थान गरेका थिए ।

%d bloggers like this: