Sunday, February 18, 2018
Home > top news > काँग्रेस बैठक सकियो, महाधिवेशन नसर्ने

काँग्रेस बैठक सकियो, महाधिवेशन नसर्ने

 

१३ दिन झुक्ने पार्टीको झण्डा

congress logo

सञ्चारक
काठमाडौं, माघ २६ ।
सभापति सुशिल कोइरालाको आकस्मिक निधनपछि अहिले केही बेर अघि पार्टी मुख्यालयमा सम्पन्न नेपाली काँग्रेस केन्द्रीय समितिको बैठकले महाधिवेशनका लागि जिल्लाहरुमा भइरहेका अधिवेशनलाई फागुन १ गतेसम्मका लागि स्थगन गर्ने निर्णय गरेको छ ।
पार्टी महाधिवेशन सर्ने वा नसर्नेबारे बैठकले निर्णय गरेन । पार्टी नेताहरुले बैठक एकदुई दिन सर्नसक्ने भएकोले उक्त विषयलाई छलफलमा नल्याइएको बताए ।
कोइरालाको निधनपछि पार्टीका कार्यवाहक अध्यक्षका रुपमा उपसभापति रामचन्द्र पौडेल स्वतः पदस्थापित भएकोले बैठकले सो विषयमा थप निर्णय गरेन । आजको बैठक पौडेलकै अध्यक्षतामा भएको हो ।
बैठकले पार्टी सभापति कोइरालाको निधन भएकोमा तीन दिन शोक मनाउने, १३ दिनसम्म पार्टीको आधा झण्डा झुकाउने र यस अवधिमा कुनै पनि औपचारिक कार्यक्रम नगर्ने जनाएको छ ।

Leave a Reply

Your email address will not be published. Required fields are marked *

%d bloggers like this: