Tuesday, July 16, 2019
Home > top news > धनुषा काँग्रेसमा लुछाचुँडी, क्षेत्रीय अधिवेशन स्थगित

धनुषा काँग्रेसमा लुछाचुँडी, क्षेत्रीय अधिवेशन स्थगित

किरण कर्ण सञ्चारक
जनकपुर, माघ २५ ।
धनुषा काँग्रेसमा उत्पन्न गुटगत विवादले जिल्लाको क्षेत्र नं. ५ मा क्षेत्रीय अधिवेशन हुन सकेन । क्षेत्रीय अधिवेशन स्थगन हुने विवाद र विमतिलाई नसुल्झाइ केन्द्रबाट धनुषा जिल्लाका निर्वाचन अधिकृत परशुराम कोइराला राजधानी फर्किएपछि क्षेत्रीय अधिवेशन हुन नसकेको हो ।
पार्टीको क्षेत्र नं. ५ का सभापति र नेपाल शिक्षक संघ धनुषाका अध्यक्षबीच मतदान अधिकृत खटाउने विषयमा मतभेद भएपछि पटकपटक क्षेत्रीय अधिवेशन स्थगन हुँदैआएको छ । संस्थापन पक्षको प्रभावमा रहेको शिक्षक संघका अध्यक्ष मेघनाथ यादवले मनोमानी ढंगले मतदान अधिकृत चयन गरेको भन्दै देउवा पक्षले सोमबार पत्रकार सम्मेलन गरेर आपत्ति जनाएको छ ।

mahendra_yadav_nc
महेन्द्र यादव

पूर्वराष्ट्रपति रामबरण यादवको छोरो र धनुषा क्षेत्र नं. ५ का सांसद डा.चन्द्रमोहन यादवको इशारामा संघका अध्यक्ष यादवले मतदान अधिकृतको नामावली एकलौटीरुपमा चयन गरेको आरोप सोही क्षेत्रका समानुपातिकतर्फका सांसद एवं काँग्रेसका केन्द्रीय सदस्य महेन्द्रप्रसाद यादवले आरोप लगाए । उनले शिक्षक संघले मतदान अधिकृत चयन गर्ने आधार र मापदण्डबारे गरिएको सहमतिविपरीत एउटा पक्षलाई अनुकूल हुने गरी नामावली चयन गरेको पनि बताए ।
देउवापक्षीय मानिने पार्टीको क्षेत्र नं. ५ का सभापति योगेन्द्र पंजियारले शिक्षक संघले चयन

सांसद एवं काँग्रेसका केन्द्रीय सदस्य महेन्द्र यादवले शिक्षक संघले संस्थापन पक्षको प्रभावमा परेर मतदान अधिकृत चयन गर्ने आधार र मापदण्डबारे गरिएको सहमतिविपरीत एउटा पक्षलाई अनुकूल हुने गरी नामावली चयन गरेको दोषारोपण गरेका छन् ।
गरेको मतदान अधिकृतको नामावलीलाई अस्वीकार गर्दैआएका छन् । सहमतिअनसार क्षेत्रीय सभापतिको परामर्शमा मतदान अधिकृतको नामावली चयन हुनुपर्ने हो ।
मतदान अधिकृतसम्बन्धी विवाद चर्कदैँ जाँदा जिल्लाको निर्वाचन अधिकृत कोइराला केन्द्रमा फर्केपछि अधिवेशबारे अन्योल उत्पन्न भएको छ ।

dr_chandra_mohan_yadav
डा.चन्द्रमोहन यादव

सांसद डा.चन्द्रमोहन यादवले क्षेत्रीय अधिवेशन नगराउने षड्यन्त्रले गर्दा मतदान अधिकृतको विवाद झिकिएको दाबी गर्दै क्षेत्रीय सभापतिले सहमतिविपरित बखेडा गर्दै क्षेत्रीय अधिवेशन हुन दिन नचाहेको आरोप लगाए ।

 

सांसद डा.चन्द्रमोहन यादवले क्षेत्रीय अधिवेशन नै नगराउने नियतले मतदान अधिकृत चयनमा बखेडा झिकिएको बताएका छन् । उनले क्षेत्रीय सभापतिले षड्यन्त्र गरिरहेको पनि आरोप लगाए ।
शिक्षक संघ धनुषाले शिक्षकहरु शिवदयाल यादव, राजेश यादव, रामपदार्थ साह, संजय यादव, रामदुलार यादव, कामेश्वर दास, रघुवीर सिंह, सुरेश यादव, संजिवकुमार यादव, सत्यनारायण यादव, रामचन्द्र मण्डल, राजकिशोर यादवलगायतका शिक्षकहरुको नाउँ मतदान अधिकृतमा मनोनित गरेको छ ।

 

%d bloggers like this: