Tuesday, December 11, 2018
Home > top news > विमलेन्द्र पनि जिते र जिताए प्यानल

विमलेन्द्र पनि जिते र जिताए प्यानल

victory_bimlendra
किरण कर्ण/ सञ्चारक
जनकपुर, माघ २४ ।
नेपाली काँग्रेसका नेता विमलेन्द्र निधि पार्टीको जारी अधिवेशनमा क्षेत्रीय प्रतिनिधिमा चुनावबाटै चयन भएका छन् । धनुषा क्षेत्र नं.३ को आज सम्पन्न अधिवेशनमा नेता निधि १ सय ५७ मत प्राप्त गरेर क्षेत्रीय प्रतिनिधिमा विजयी भएका हुन् । केन्द्रीय सदस्य आफसेआफ महाधिवेश प्रतिनिधि भए पनि नेता निधि पार्टी कार्यकर्ताबाटै चयनित भएर आउने लोकतान्त्रिक अभ्यासलाई बल पुर्याउन चुनावी प्रतिस्पर्धामा सहभागी भएको उनका निकटस्थ सहयोगी जीवनाथ चौधरीले बताए ।

 

केन्द्रीय सदस्य आफसेआफ महाधिवेश प्रतिनिधि भए पनि नेता निधि पार्टी कार्यकर्ताबाटै चयनित भएर आउने लोकतान्त्रिक अभ्यासलाई बल पुर्याउन चुनावी प्रतिस्पर्धामा सहभागी भएको उनका निकटस्थ सहयोगी जीवनाथ चौधरीले बताए ।
१ सय ७४ जना मतदाता रहेको सो क्षेत्रीय अधिवेशनबाट पार्टीका अर्का नेता एवं पूर्वसांसद स्मृतिनारायण चौधरी(१५७ मत), धनुषा काँग्रेसका सभापति रामसरोज यादव(१५४ मत), श्यामकुमार यादव(१५४ मत)र सुरेन्द्र चौधरी(१५१ मत) प्राप्त गरी क्षेत्रीय प्रतनिधिमा विजयी भएका हुन् । क्षेत्रीय प्रतिनिधिको संस्थापन पक्षका उम्मेदवार बुद्धु यादव १४ मत प्राप्त गरी पराजित भएका छन् ।
यसैगरी संस्थापन पक्षका क्षेत्रीय सभापतिका उम्मेदवार विनोद यादवको ११ मतलाई उछिन्दै विमलपक्ष(देउवा पक्ष) का उम्मेदवार परमेश्वर यादवले १ सय ४६ मत प्राप्त गरी सो पदमा विजय हासिल गरेका छन् ।

%d bloggers like this: