Friday, May 25, 2018
Home > समाचार > प्रदर्शनकारीको अवरोधलाई विमलेन्द्र निधिले छिचोल्ने

प्रदर्शनकारीको अवरोधलाई विमलेन्द्र निधिले छिचोल्ने

Bimalendra Nidhi ph1
सञ्चारक
जनकपुर, माघ १९ ।
आन्दोलनरत संयुक्त मधेशी लोकतान्त्रिक मोर्चालगायत अन्य पक्षहरुले नेपाली काँग्रेसका नेता विमलेन्द्र निधिको बुधबार हुने जनकपुर भ्रमणमा रोक लगाउनका लागि जनकपुर विमानस्थल घेराव गर्ने भएका छन् । काँग्रेस नेता निधि बुधबार अपरान्ह यति एयरलाइन्सको विमानबाट काँग्रेसका स्थानीय अधिवेशनमा सहभागी हुन जनकपुर जाँदैछन् ।
आन्दोलनकारीहरुले सांसद निधिको जिल्ला प्रवेशमा रोक लगाइएको जनाउँदै उनीलाई प्रवेश निषेध गर्न कडा प्रतिकारमा उत्रिने जनाएको छ । मधेशी मोर्चाका एउटा घटक तमलोपाका अध्यक्ष महन्थ ठाकुरले सोमबार प्रदर्शनकारीहरुले नेता निधिको निवासमा गरेको तोडफोड र आगजनीको घटनाप्रति दुःख व्यक्त गरेको एक दिन पनि नबित्दै मोर्चाका कार्यकर्ताहरुले नेता निधिलाई रोक्न बल प्रयोग गर्ने निर्णय गरेका हुन् ।
मोर्चाले आज धनुषा काँग्रेसले आन्दोलन अतिवादी भएको भन्दै लगाएको आरोपलाई पनि निन्दा गरेको छ । धनुषा काँग्रेसका सभापति रामसरोज यादवले आन्दोलन अराजक भइरहेको आरोप आज बिहान लगाएका थिए ।
मोर्चाले बुधबार बिहान नेता निधिको जनकपुर भ्रमणलाई स्थगन गराउन जनकपुरमा लाठी जुलुस प्रदर्शन गर्नेभएको छ ।
काँग्रेस निधि मधेश आन्दोलन सुरु भएयता पहिलोपटक गृह जिल्ला धनुषा जान लागेका हुन् । उनी धनुषा क्षेत्र नं.३ बाट निर्वाचित सांसद हुन् । उनले मधेश आन्दोलनको सम्मान गर्दै आन्दोलन अवधिमा जनकपुर नगएको तर पछिल्लो समयमा लोकतान्त्रिक विधिअन्तर्गत पार्टी अधिवेशनमा सहभागी हुन जिल्ला जान लागेको बताए ।
नेता निधिका स्वकीय सचिव विश्वास विक्रमले कुनै पनि हालतमा नेता निधिको पूर्वनिर्धारित कार्यक्रम नरोकिने बताए । उनले मोर्चाको विरोध प्रदर्शनलाई आफूहरुले सहजरुपमा स्वीकार गरे पनि उनीहरुबाट हुने भौतिक आक्रमणलाई सहन नगरिने चेतावनी दिए ।

Leave a Reply

Your email address will not be published. Required fields are marked *

%d bloggers like this: