Sunday, October 21, 2018
Home > समाचार > महन्थ ठाकुरले पनि राजधानी छाडे

महन्थ ठाकुरले पनि राजधानी छाडे

mahantha_thakur
सञ्चारक
काठमाडौं, माघ १९

संयुक्त लोकतान्त्रिक मधेशी मोर्चाका जेठो नेता एवं तराई मधेश लोकतान्त्रिक पार्टीका अध्यक्ष महन्थ ठाकुर आज वीरगञ्ज जाने हुनुुभएको छ । आन्दोलनकर्मीहरुसँग छलफल र आन्दोलनका कार्यक्रमहरुको अवलोकन तथा समीक्षा गर्न उहाँ वीरगञ्जतर्फ प्रथान गर्न लाग्नुभएको उहाँका सहयोगी सत्येन्द्र झाले बताए ।
भारतको नयाँदिल्लीबाट गोडामा भएको फिष्टुलाको प्रारम्भिक उपचारपछि राजधानी फर्कनुभएका उहाँ पहिलोपटक मोफसल जाँदै हुनुहुन्छ । उहाँसँगै पार्टीका उपाध्यक्ष वृषेशचन्द्र लाल पनि वीरगञ्ज जानुभएको छ ।
आन्दोलनरत मधेशी मोर्चाका अन्य घटक दलका नेताहरु भारतको बिहारमा रहेको बेला तमलोपा अध्यक्ष ठाकुर राजधानीबाहिर गएपछि हिजोबाट आरम्भ भएको मानिएको मुख्य प्रतिपक्षी र मोर्चाका शीर्ष नेताहरुबीचको वार्ता पुनः अवरुद्ध हुने अनुमान गरिएको छ ।
मोर्चासम्बद्ध दलका नेताहरु राजधानी बाहिर भए पनि मोर्चाको सचिवालय बैठक प्रभावित नहुने सदभावनाका महासचिव मनीष सुमनले बताए । उनले आज अपरान्ह तमलोपा कार्यालयमा मोर्चाको सचिवालय बैठक बस्ने बताए ।

Leave a Reply

Your email address will not be published. Required fields are marked *

%d bloggers like this: