Tuesday, May 22, 2018
Home > समाचार > अराजक बन्दै आन्दोलन : धनुषा काँग्रेस

अराजक बन्दै आन्दोलन : धनुषा काँग्रेस

congress_cofrence_union
वीरेन्द्र रमण
जनकपुर, माघ १९ ।
नेपाली काँग्रेस धनुषाले आफना सांसदहरुको घरलाई लक्षित गरेर भइरहेको विरोध र तोडफोडको निन्दा गरेको छ । मधेशी मोर्चाको यस्ता क्रियाकलाप अतिवादी सोच मात्रै भएको धनुषा काँग्रेसको भनाइ छ ।
नेपाली काग्रेस धनुषाका सभापति रामसरोज यादवले मधेशी मोर्चाको आन्दोलन बिस्तारै कमजोर बन्दै गएकोले आन्दोलनकारीहरुले अहिले काग्रेसलाई लक्षित गरेर विरोध प्रदर्शनमा लागेको आरोप लगाएका छन् । नेपाल प्रेस यूनियन धनुषाद्वारा आयोजित पत्रकार सम्मेलनमा उनले मधेशी मोर्चाले नेपाली काग्रेसका अधिवेशनलाई नै विथोल्नु अतिवादी सोचको उपज भएको बताए ।

संयुक्त लोकतान्त्रिक मधेशी मोर्चाका स्थानीय कार्यकर्ताहरुले काँग्रेसले हरेक तहका अधिवेशन विथोल्ने घोषणा गरेर गत दुई दिनदेखि काँग्रेसका सांसदहरुका घरअगाडि तोडफोड र हिंसात्मक गतिविधि बढाएपछि धनुषा काँग्रेसको यस्तो प्रतिक्रिया आएको हो ।
काँग्रेसले अधिवेशनलाई जसरी पनि सम्पन्न गर्ने जनाएको छ । पार्टीको इतिहासलाई जीवन्तता दिनका लागि अधिवेशन महत्वपूर्ण भएको भन्दै यसका लागि आफूहरु पछि नपर्ने सभापति यादवले बताए ।

Leave a Reply

Your email address will not be published. Required fields are marked *

%d bloggers like this: