Wednesday, February 21, 2018
Home > समाचार > नेताका घरअगाडि प्र्रदर्शनकारीको रोष /अधिवेशन भने सबै ठाउँमा जारी

नेताका घरअगाडि प्र्रदर्शनकारीको रोष /अधिवेशन भने सबै ठाउँमा जारी

congress logo

सञ्चारक
जनकपुर, माघ १७ ।
आन्दोलनरत मधेशी मोर्चाका प्रदर्शनकारीहरु काँग्रेसका केन्द्रीय नेताहरुको घरनजिक केन्द्रित हुँदा विफल पार्ने दाबी गरिएको काँग्रेसका वडा अधिवेशन धनुषामा जारी छ । मोर्चाका प्रदर्शनकारीहरु भने पार्टी नेतृ लीला कोइरालाको जनकपुरको ब्रहम्पुरीस्थित निवास अगाडि भेलाजम्मा भएर त्यहाँ सुरक्षार्थ तैनाथ प्रहरीसँग ढुङ्गामुडा गर्दैछन् ।
जिल्लाका सातओटा निर्वाचन क्षेत्रमध्ये मतदान अधिकृतसम्बन्धी विवादका कारण स्थगित गरिएको अधिवेशन सुचारु गर्न स्थानीय नेताहरु सहमति जुटाउन छलफल गरिरहेका छन् । गाउँ समितिहरुले दिएको निर्वाचन अधिकृतको सूचि क्षेत्रीय सभापतिलाई अमान्य भएपछि यस क्षेत्रको अधिवेशन केही बेरका लागि स्थगन भएको काँग्रेसका स्थानीय नेता कोमलकान्त झाले बताए ।
जिल्लाका अन्य क्षेत्रमा आजका लागि तोकिएको अधिवेशनलाई बाधा पुर्याउने प्रयत्न भए पनि जारी रहेको नेता झाले जानकारी दिए ।
पार्टीका केन्द्रीय सदस्यहरु स्वतः महाधिवेशन प्रतिनिधि हुने र पार्टीका तर्फबाट विगतमा संविधानसभा सदस्यमा विजयी तथा पराजित उम्मेदवारहरु स्वतः क्षेत्रीय प्रतिनिधि हुनेभएकोले मोर्चाका कार्यकर्ताहरुले घेराव गरिरहेका नेताहरुलाई वडा अधिवेशनका लागि पुग्नुपर्ने बाध्यता छैन ।

Leave a Reply

Your email address will not be published. Required fields are marked *

%d bloggers like this: