Wednesday, February 21, 2018
Home > समाचार > महागठबन्धन बन्ने भो !

महागठबन्धन बन्ने भो !

Rajkishor yadav

सञ्चारक
काठमाडौं, माघ १६ ।
आन्दोलनरत दलहरुबीच महागठबन्धनको चर्चाले नयाँ मोड लिएको छ । संयुक्त लोकतान्त्रिक मधेशी मोर्चाका नेता महन्थ ठाकुरले आन्दोलनलाई सशक्त र परिणामुखी बनाउन महागठबन्धन आवश्यक रहेको विचार आज व्यक्त गरेपछि यसको चर्चाले नयाँ गति लिएको छ ।
सुरुदेखि नै महागठबन्धनको कुरा उठाउँदैआएको सङ्घीय समावेशी गठबन्धनमा आबद्ध दलका नेताहरुले महागठबन्धनको प्रस्तावलाई मूर्तता दिनुपर्ने भन्दै गठबन्धनका नेताहरुले आज तमलोपाका अध्यक्ष ठाकुरलाई भेटेका छन् । पार्टीको बिजुलीबजारस्थित केन्द्रीय कार्यालयमा भएको सो भेटमा नेता ठाकुरले महागठबन्ध आवश्यक भएको भन्दै यसका लागि आफ्नो तर्फबाट पनि पहल हुने प्रत्युत्तर दिनुभएको भेटमा सहभागी गठबन्धनका एकजना नेताले बताए । उनले राजनीतिक अनुभव, परिपक्वता र उचाइँका दृष्टिले ठाकुरजीको पहलपछि यसले औपचारिक रुप लिने विश्वासपछि आफूहरुले भेटघाट गरेको समेत प्रष्ट्याए ।
तमलोपा अध्यक्ष ठाकुरले महागठबन्धनको कुरालाई मधेशी मोर्चाको बैठकमा प्रस्तुत गर्ने आश्वासन दिएको बताइएको छ ।
मोर्चामा आबद्ध सङ्घीय समाजवादी फोरम नेपालले यसअघि नै महागठबन्धन हुनुपर्ने निर्णय गरिसकेको छ भने मोर्चाका अर्का घटक सदभावना पार्टीका अध्यक्ष राजेन्द्र महतोले पनि महागठबन्धन बन्नुपर्ने बताएका थिए ।

Leave a Reply

Your email address will not be published. Required fields are marked *

%d bloggers like this: