Wednesday, August 22, 2018
Home > समाचार > ‘भारतले पहाडी शासनको अन्त्य गराउने’

‘भारतले पहाडी शासनको अन्त्य गराउने’

Yogesh-Bhattarai-Secreatry-UML

सञ्चारक
झापा, माघ १६ ।
सीमाङ्कनसम्बन्धी विषयमा सत्तारुढ दल, मुख्य प्रतिपक्षी र मधेशी मोर्चाबीच सहमति हुननसकेको बारेमा पार्टीका सचिव योगेश भट्टराईले नयाँ खुलासा गरेका छन् । उनले झापा, मोरङ र सुनसरीलाई प्रदेश नम्बर १ मै राख्न पार्टीले आधिकारिक निर्णय गरिसकेको बताएका छन् ।

 

प्रेस चौतारी झापाको आठौं जिल्ला अधिवेशनको उद्घाटन कार्यक्रममा सहभागी सचिव भट्टराईले झापा, मोरङ र सुनसरी टुक्राउनेबारे सोच्न बन्द गर्नुपर्ने चेतावनी दिँदै भारतले तराईमधेशमा आन्दोलन चर्काएर सिक्कमीकरण गर्न खोजेको आरोप पनि लगाए । मधेश आन्दोलनका विरोधीहरुका लागि सिक्कमीकरण शब्द प्यारो रहँदैआएको छ । उनले भारतको आँखा नेपालको जलस्रोतमा रहेको उल्लेख गर्दै त्यसलाई प्राप्त गर्न नेपाललाई फिजी बनाउन भारत पछि नपर्ने पनि बताए ।
नेपालमा भारतीयमूलका मधेशीहरुको सँख्या बढाएर पहाडीमूललाई अल्पसँख्यक बनाएर परम्परागत पहाडी सत्तालाई कब्जा गराउने सन्दर्भमा नेपालका कथित राष्ट्रवादीहरुले फिजीकरणको कुरा गर्दैआएका छन् ।
सचिव भट्टराईले तेल तस्करको हातमा पुगेको र ती तस्करहरुले नै मधेशमा आन्दोलन चर्काएको दाबी गरे । मधेशकेन्द्रित दलका नेताहरुले सरकारले नै तस्करीलाई प्रश्रय दिँदैआएको बताउँदैआएका छन् । राष्ट्रिय मानव अधिकार आयोगले पनि इन्धनको तस्करी र कालोबजारीमा सरकारी संलग्नतालाई इङिगत गर्दै केही दिनअघि स्थलगत अध्य्यनको प्रतिवेदन सार्वजनिक गरेको थियो ।

Leave a Reply

Your email address will not be published. Required fields are marked *

%d bloggers like this: