Sunday, February 18, 2018
Home > समाचार > परचक्रीसँग दूतावासमा रमाए मधेशी नेताहरु

परचक्रीसँग दूतावासमा रमाए मधेशी नेताहरु

सञ्चारक
काठमाडौं, माघ १३ ।
केपी ओली सरकारका मन्त्री  र परचक्री  भनेर चिनिएका विश्वेन्द्र पासवानसँग आन्दोलनरत दलका दुईजना प्रभावशाली नेताहरुको फोटो सार्वजनिक भएपछि मधेशका आन्दोलकारीहरु निराश भएका छन् । मधेशमामिलामा निकै कठोर र तार्किक मानिने नेता सदभावना महासचिव मनीष सुमन र  महेन्द्रप्रसाद यादवनेतृत्वको तराई मधेश सदभावना पार्टीका वरिष्ठ नेता रामनरेश रायको मन्त्री पासवानसँगको फोटो सार्वजनिक भएपछि आन्दोलनमा अहोरात्र खटिएकाहरुको मनमा उनीहरुलाई लिएर गहिरो आशंका तथा सघन निराशा छाएको बताइएको छ । मधेश र मधेशीलाई लिएर दूर्भावना, कटुता र तिक्तापूर्ण अभिव्यक्ति दिने मन्त्री पासवानसँगका फोटाहरुमा ती दुई नेताहरुमा देखिएको सहजताले उनीहरु आलोचित भएका हुन् ।

Mantri Paswan
मन्त्री पासवानसँग नेता सुमन र रायका फोटाहरुले उनीहरुबीच अत्यन्त निकट सम्बन्ध रहेको देखिन्छ । मधेशी आन्दोलनकारीहरुलाई छाती र टाउकोमा गोली हान्ने ओली सरकारका  सदस्य र प्रहरी दमनलाई जायज बताउने पासवानसँगका फोटाहरुले मधेशी जनताले उनीहरुका बीच औपचारिकरुपमा मात्र वादविवाद हुने र अन्तर्यमा प्रगाढ सम्बन्ध रहनेगरेको अड्कल समेत गरेका छन् ।

mantri paswan2
भारतीय दूतावासको कार्यक्रममा मन्त्री पासवान र नेताहरु सुमन र रायबीचका फोटाहरु सार्वजनिक भएका हुन् ।  शक्तिकेन्द्रमा जाँदा नेताहरुका बीचमा भएका सबैखाले विमति र मनोमालिन्य सकिने बताइन्छ ।  एकजना मधेशका आन्दोलनकारीले भने, ‘यता हाम्रा छोराहरुले सहादत दिँदैछन्, उता नेताहरुका लागि सहादत उत्सव बन्दैछ ।’

फोटा : बीरेन्द्र केएम

Leave a Reply

Your email address will not be published. Required fields are marked *

%d bloggers like this: