Monday, May 21, 2018
Home > समाचार > कालोबजारीहरुको सम्बन्ध वालवाटारसँग भएको उपेन्द्रको खुलासा

कालोबजारीहरुको सम्बन्ध वालवाटारसँग भएको उपेन्द्रको खुलासा

upendra yadav

                           काँग्रेस सभापति र प्रधानमन्त्रीबीच झन्डै कुटाकुट हुँदा आफूलाई हस्तक्षेप गर्नुपरेको दाबी

सञ्चारक
विराटनगर,माघ १२ ।
सङ्घीय समाजवादी फोरम नेपालका अध्यक्ष उपेन्द्र यादवले प्रधानमन्त्री केपी शर्मा ओलीको अहङ्कार र जथाभावी बोल्ने आनीबानीले सहमतिमा पुग्न थालिएको विषयमा पनि टुङ्गो लाग्न नसकेको बताएका छन् ।

रङगेली झड्पमा मृत्युभएका तीनजनाको अन्त्योष्टी कार्यक्रममा भाग लिन विराटनगर पुगेका यादवले पत्रकार सम्मेलनमा सो कुरा बताएका हुन् ।
ओलीको दम्भपूर्ण बोली अहंकारी मनस्थिति र आउडोबाउडो कुराले सर्वपक्षीय र विभिन्न पक्षीय बैठकहरुमै तनावपूर्ण स्थिति सिर्जना भएको भन्दै उनले गत माघ ७ गते प्रधानमन्त्री ओली र कांगेस सभापति सुशील कोइरालाबीच फाइट चल्ने स्थिति आउँदा आफूले सुशीलको हात समाएर परिस्थितिलाई सामान्यीकृत गरेको प्रसङ उल्लेख गरे ।

अहिलेको अलमलको जिम्मेवार सरकारका मुखिया ओली नै भएको बताउँदै अध्यक्ष यादवले मर्कीसकेको सरकार सकेको छ, कुनै पनि बेला भाँचिने उल्लेख गरे । मधेशी मोर्चाका नेतासमेत रहेका यादवले आफूहरुले सरकार बनाउने वा गिराउने काममा सहभागी नहुने दोहोर्याए ।
कालोबजारीयाहरुको सीधा सम्बन्ध वालुवाटारसँग भएको आरोप लगाउँदै उनले संस्थागत भ्रष्टाचारलाई सरकारले प्रोत्साहन दिएको प्रष्ट्याए ।

अध्यक्ष यादवले पाँचसातजना कोठाभित्र बसेर बनाएको संविधानको औचित्य र जीवन्तता समाप्त भइसकेको जिकीर पनि गरे ।

Leave a Reply

Your email address will not be published. Required fields are marked *

%d bloggers like this: