Wednesday, February 21, 2018
Home > समाचार > ‘५४ जना निहत्था मारिदाँ कहाँ छौ तिमी’

‘५४ जना निहत्था मारिदाँ कहाँ छौ तिमी’

सञ्चारक
काठमाडौं, माघ १० ।

सरकारले अन्धाधुन्ध मान्छे मार्ने नियतले नृशंसतापूर्वक ताकी ताकी टाउको, छाती र पेटमा लाग्ने गरी गोली हानेर अहिलेसम्म ५४ जना निहत्था मधेशी समुदायका आन्दोलनकारीहरुको हत्या गरेकोप्रति संयुक्त लोकतान्त्रिक मधेशी मोर्चाले आइतबार राष्ट्रिय मानव अधिकार आयोगको ध्यानाकृष्ट गराएको छ ।
मोर्चाका नेताहरुले आज आयोगकै कार्यालयमा पुगेर दिएको ज्ञापनपत्रमा स्थानीय प्रशासन ऐनले तोकेको बल प्रयोगको सिद्धान्तविपरित सरकारले शान्तिपूर्ण आन्दोलनलाई दबाउन दमन गर्दैआएको जनाइएको छ ।
शान्तिपूर्ण आन्दोलन गर्न पाउने लोकतान्त्रिक अभ्यास प्रयोग गर्दै मधेशका जनता आफ्ना राजनीतिक मुद्दाहरुलाई सम्बोधन गराउन सभा, जुलुस र धर्ना गर्दैआएको उल्लेख भएको ज्ञापनपत्रमा सरकारबाट क्रुरतापूर्ण घटनाहरु भइरहँदा पनि राष्ट्रिय मानवधिकार आयोगले सक्रिय भूमिका निर्वाह गर्न नसकेको र आयोगको औपचारिकता निर्वाह गर्ने कार्यले मानव अधिकार उल्लंघनका लागि राज्य प्रोत्साहित भइरहेको गुनासो गरिएको छ ।

GP1
आयोगले दोषीउपर कार्वाहीका लागि सिफारिस गर्नुपर्ने भन्दै ज्ञापनपत्रमा सप्तरीको भारदह र राजविराज, धनुषाको जनकपुर, महोत्तरीको जलेश्वर, रौतहटको गौर, बाराको कलैया, पर्साको बीरगञ्ज र रुपन्देहीका बेलहिया तथा बेथरीका घटनाहरुमा मारिएका आन्दोलनकारीहरुको रगत नसुक्दै गत माघ ७ गते मोरङको रङ्गेली र डायनियाँमा एकजना महिलासहित तीनजना निहत्था आन्दोलनकारीहरुको भएको हत्यालाई निर्मम भनिएको छ ।

GP
मोर्चाले ज्ञापनपत्रमार्फत संवैधानिक निकाय राष्ट्रिय मानव अधिकार आयोगसँगै अधिकारको संरक्षणमा कार्यरत संस्थाहरुलाई घटनालाई लिएर सक्रियतापूर्वक अनुसन्धान गर्न भन्दै मानव अधिकार उल्लंघनका घटनामा गोली चलाउने सुरक्षा निकाय, योजना बनाउने, आदेश दिने तथा अन्य संलग्न जोसुकैलाई पनि अनुसन्धानको दायरामा ल्याएर तत्काल निष्पक्ष र विश्वसनीय कार्वाही गर्न माग गरेको छ ।
आयोगलाई ज्ञापनपत्र बुझाउने मोर्चाका नेताहरुमा तराई मधेश लोकतान्त्रिक पार्टीका वरिष्ठ उपाध्यक्ष हृदयेश त्रिपाठी, सदभावना पार्टीका सअहध्यक्ष लक्ष्मणलाल कर्ण, सदभावनाका महासचिव मनीष सुमन, तराई मधेश लोकतान्त्रिक पार्टीका उपाध्यक्ष बृषेशचन्द्र लाल र महामन्त्री सर्वेन्द्रनाथ शुक्ल, सङ्घीय समाजवादी फोरम नेपालका प्रमुख सचेतक शिवजी यादव र तराई मधेश सदभावना पार्टीका वरिष्ठ नेता रामनरेश राय रहेका छन् ।

Leave a Reply

Your email address will not be published. Required fields are marked *

%d bloggers like this: