Tuesday, November 13, 2018
Home > समाचार > गठबन्धनले पनि आन्दोलन जारी राख्ने

गठबन्धनले पनि आन्दोलन जारी राख्ने

gathbandhan

सञ्चारक
काठमाडौं, माघ १० ।
सङ्घीय समावेशी गठबन्धले सरकार र प्रमुख राजनिितक दलले संवाद र सहमतिको वातावरणलाई अवरुद्ध गर्न खोजेको भन्दै आमहड्ताल र नाकाबन्दीका कार्यक्रमलाई यथावत राख्ने निर्णय गरेको छ ।
शनिबार संविधान संशोधनसम्बन्धी सरकारी विधेयक पारित भएपछि गठबन्धनको यस्तो निर्णय आएको छ । गठबन्धनमा शरत्सिँह भण्डारी नेतृत्वको राष्ट्रिय मधेश समाजवादी पार्टी, अनिलकुमार झानेतृत्वको नेपाल सदभावना पार्टी, राजकिशोर यादवनेतृत्वको मधेशी जनअधिकार फोरम गणतान्त्रिक र जयप्रकाश गुप्तानेतृत्वको तराई मधेश राष्ट्रिय अभियान संलग्न छन् । गठबन्धनका संसदमा भएका दलहरुले हिजो संसदको बैठक बहिष्कार गरेका थिए ।

गठबन्धनले आन्दोलनरत दलहरुको मागलाई बेवास्ता गर्दै प्रमुख राजनीतिक दलहरुले आफ्ना स्वार्थका लागि संविधानको पहिलो संशोधन गरेको भन्दै यसले मुलुक एकांकीरुपमा अगाडि बढ्न खोजेको ठहर गरेको छ । गठबन्धनले मधेशकेन्द्रित दलका लागि गरिएको भनिएको संशोधनमा आफूहरुको अनिवार्य सहमति र समर्थन नलिइएकोमा रोष प्रकट गर्दै संशोधन अस्वीकार्य भएको जनाएको छ ।
यसअघि गठबन्धनमा आबद्ध दल र समूहले छुट्टाछुटै अभिव्यक्ति जारी गरी संविधानमा भएको संशोधन मान्य नभएको जनाएका थिए ।

%d bloggers like this: