Wednesday, August 22, 2018
Home > समाचार > नवप्रवेशी मधेशी शाखा अधिकृतहरुले पाए सम्मान

नवप्रवेशी मधेशी शाखा अधिकृतहरुले पाए सम्मान

karmachari
सञ्चारक
काठमाडौं, माघ १० ।
निजामती सेवाका नवप्रवेशी मधेशीमूलका शाखा अधिकृतहरुलाई आज राजधानीमा सम्मान गरिएको छ । निमाजती प्रशासनका ३० औं ब्याचका प्रशासन सेवातर्फका ३६ जना नवप्रवेशी शाखा अधिकृतहरुलाई काठमाडौंमा नेपाल मधेशी निजामती कर्मचारी मञ्चले सम्मान गरेको हो ।
आज मञ्चको बबरमहलस्थित केन्द्रीय कार्यालयमा आयोजित मधेशको परम्परागत पहिरन गमछा ओढ्याएर उनीहरुलाई सम्मानित गरिएको हो ।
कार्यक्रममा मञ्चका अध्यक्ष विनोदकुमार सिँहले मधेशी कर्मचारीहरुलाई एक्यबद्ध भएर राज्यसत्ताको विभेदकारी व्यवहारसँग लड्न्पर्ने बताए । उनले निकै अप्ठ्याराहरुका बाबजूद पनि मधेशी समुदायबाट निजामती सेवामा प्रतिनिधित्व भइरहेकोमा खुशी व्यक्त गर्दै लोकसेवा आयोगको कार्यशैलीमा सुधार गराउन सबै पक्षबाट दवाव अपरिहार्य भएको औंल्याए ।
कार्यक्रममा मञ्चका उपाध्यक्ष भुवनेश्वर चौधरीले नवप्रवेशी शाखा अधिकृतहरुलाई मञ्च गठनको पृष्ठभूमि र यस संस्थाको कार्यप्रणालीबारे अवगत गराएका थिए भने मञ्चका सचिव शुभकान्त झा, नवप्रवेशी शाखा अधिकृतहरुमा आलोक अग्रहरि, अजयकुमार गुप्ता, बलराम राय यादवलगायतकाले मधेशी जनताका हकहित र सेवाप्रवाहका बारेमा बोलेका छन् ।
कार्यक्रममा ईन्जिनियरिङ सेवातर्फ पदोन्नति भएर उपसचिव भएका तीनजनालाई पनि सम्मान गरिएको थियो । सम्मानित हुनेहरुमा महेशकुमार इशर, नसीमुल गनी र हजारी यादव रहेका छन् ।

कार्यक्रमलाई मञ्चका सचिव सुजितकुमार झाले सञ्चालन गरेका थिए ।

Leave a Reply

Your email address will not be published. Required fields are marked *

%d bloggers like this: