आलु नसप्रिदाँ सिरहाका किसान चिन्तित

श्रीकान्त झा
सिरहा, माघ १० ।
आलु खेतीमा पाला रोगको संक्रमण देखिन थालियो श्रीकान्त झा , सिरहा । माघ १० सिरहासहित समीपवर्ती जिल्लाहरुमा लगातारको चिसोसँगै बढेको शितलहरका कारण आलुलगायतका तरकारी बाली नष्ट हुन थालेको छ ।
नगदेबालीका रुपमा रहेको आलु , टमाटर, काउली , भयान्टालगायतका तरकारी खेतीमा पाला रोगको संक्रमण देखिन थालेपछि लाखौ रुपियाँ नोक्सानी हुने डरले सिरहाका किसान चिन्तित बनेका छन् ।
जिल्ला कृषि विकास कार्यालयबाट पनि किसानहरुलाई पाला रोगबाट तरकारीलाई जोगाउन प्राविधिक सहयोग प्राप्त नभएको किसानहरुको गुनासो छ । सिरहाका किसानले अनुमानित आधाभन्दा बढी क्षेत्रफलमा व्यवसायिकरुपमै आलुटमाटरलगायतका तरकारी खेती गर्दै आएका छन् । सिरहा जिल्लाको मिर्चैया नगरपालिका वडा नं. नम्बर ११ सीतापुर निवासी किसान उमेश्वरप्रसाद सिंहले आफ्नो १० विग्घामध्ये १० कठ्ठामा गरिएको आलु खेतीमा रोग लागेपछि नसप्रिएको बताए । उनले जिल्ला कृषि विकास कार्यालयले अनुगमन कहिल्यै पनि नगरेकोले किसानको चिन्ता बढेको बताए ।