Tuesday, July 16, 2019
Home > समाचार > मधेशी मोर्चाको बैठक आज पनि नबस्ने

मधेशी मोर्चाको बैठक आज पनि नबस्ने

morcha-leaders1
            संशोधन विधेयक पारित भएपछि साझा धारणा बनाउने काम बाधित
         सीमानाकामा भइरहेको धर्ना अझ सशक्त हुने  : अर्जुन उप्रेती, संयुक्त महासचिव, सदभावना

 

सञ्चारक
काठमाडौं, माघ १० ।
संविधान संशोधनसम्बन्धी सरकारी विधेयक शनिबार पारित भएपछि साझा धारणा बनाउन आज आइतबार बस्ने भनिएको संयुक्त लोकतान्त्रिक मधेशी मोर्चाको बैठक बाधित हुनेभएको छ ।

मोर्चाका प्रमुख घटक सङ्घीय समाजवादी फोरम नेपालको केन्द्रीय समितिको बैठक काठमाडौंमा आजसम्म जारी रहने तथा अर्का घटक तराई मधेश सदभावना पार्टीका अध्यक्ष सोमबार मात्र राजधानी आइपुग्ने भएकोले मोर्चाको शीर्ष बैठक आइतबार बस्न सम्भव नभएको हो ।
रङ्गेली घटनाका बारेमा साझा धारणा सार्वजनिक गर्न नसकेकोमा मोर्चा आलोचित भइरहँदा संविधान संशोधन विधेयक पारित भएपछि आगामी कार्यनीति र रणनीति तय गर्न बैठक बस्न ढिलो गर्ने हुँदा थप आलोचना खप्ने भएको छ । यद्यपी मोर्चाआबद्ध दलहरुले सो घटनालाई लिएर सरकारको जातीय नरसंहार भन्दै भत्र्सना गरेका थिए ।
तमसपा अध्यक्ष महेन्द्रप्रसाद यादव आन्दोलनका घाइतेलाई उपचार गराउन भारतको सीतामढी पुगेका छन् भने तमसपा अध्यक्ष महन्थ ठाकुर स्वास्थ्योपचारपछि राजनीतिक परामर्शका लागि भारतको राजधानी नयाँ दिल्लीमा हुनुहुन्छ । सदभावना पार्टीका अध्यक्ष राजेन्द्र महतो विराटनगरमा छन् ।
सदभावना पार्टीका संयुक्त महासचिव अर्जुन उप्रेतीले तीनदलीय हठले सरकारी विधेयक पारित हुने कुरा अवश्यम्भावी भएको हुँदा यसलाई आफूहरुले अप्रत्याशितरुपमा नलिएको भन्दै मोर्चाले अधुरो संशोधनको विरोध निरन्तर गरिरहने बताए ।
संशोधन विधेयक पारित हुनेबित्तिकै कथित भारतीय नाकाबन्दी खुल्ने दाबी एकीककृत नेकपा माओवादीका अध्यक्ष पुष्पकमल दाहाललगायतका सत्तारुढ दलका नेताहरुले दाबी गरिरहेका छन् । तर सदभावनाका संयुक्त महासचिव उप्रेतीले सीमानाकामा भइरहेको धर्नालाई अझ सशक्त बनाइने बताए ।

%d bloggers like this: