सञ्चारक
काठमाडौं, माघ ९ ।
मधेशी मोर्चाको अवरोधका बाबजूद पनि संसदको आजको बैठकले संविधान संशोधनसम्बन्धी विधेयक पारित गरेको छ । विधेयकमा परेका संशोधन प्रस्तावहरुलाई समेट्दै परिमार्जन गरिएको विधेयकलाई संसदको दुई तिहाई बहुमत सदस्यहरुले पारित गरेका हुन् । ।
संशोधनबाट नयाँ संविधानमा केही शब्दावलीहरु हेरफेर गरिएका छन् । संशोधन विधेयकमा परेका १७ वटा संशोधन प्रस्ताव फिर्ता भएका गरिएका छन् । मधेशी मोर्चाका ४ दल र थरूहट पार्टीको नाराबाजीका बीच प्रस्ताव पारित भएको हो । संघीय समावेशी गठबन्धनका नेपाल सदभावना पार्टी र र राष्ट्रिय मधेश समाजवादी पार्टीले संसद बहिष्कार गरेका छन् ।
निर्धारित समयभन्दा निकै ढिलो साँझ ८ बजेर २० मिनेटबाट सुरुभएको संसदको बैठकले सो प्रस्ताव पारित गरेको हो ।
तीन दलले मोर्चा सहमतिमा नआए पनि संशोधन विधेयक पारित गर्ने यसअघि नै जनाएका थिए ।
