Tuesday, September 25, 2018
Home > समाचार > सरकारले फेरि छक्याए मधेशीलाई

सरकारले फेरि छक्याए मधेशीलाई

harami mandal
सञ्चारक
कठमाडौं, माघ ८ ।
बिहीबार रङ्गेलीमा भएको क्रुरतापूर्ण हत्याकाण्डको छानबिनको नाउँमा फेरि एकपटक सरकारले संवेदनहीनता प्रकट गरेको छ । मोरङका प्रमुख जिल्ला अधिकारीको कार्यालयमा भएको बैठकमा रङ्गेली घटनाबारे छानबिन गर्न सत्तारुढ दलका सांसद शिवकुमार मण्डलको संयोजक्त्वमा छानबिन समिति गठन गरिएको छ ।
कथित छानबिन समितिका संयोजक मण्डल मोरङ क्षेत्र नम्बर ४ बाट व्यवस्थापिका संसदमा प्रतिनिधित्व गर्ने सांसद हुन् । रङ्गेली मोरङको क्षेत्र नं. ४ मै पर्दछ ।
गैरमधेशवादी दलहरुको सहभागितामा जिल्ला प्रशासन कार्यालय मोरङमा भएको सो बैठकमा छानबिनका लागि भन्दै गठन भएको समिति अवैध रहेको कानून व्यावसायीहरुले बताएका छन् । अधिवक्ता पंकज कर्णले कुनै पनि न्यायिक छानबिनका लागि गैरसरकारी वा गैरसंसदीय ढंगले गठन हुर्ने समितिको कानूनी अर्थ नहुने बताए । अधिवक्ता कर्णले प्रमुख जिल्ला अधिकारीको रोहबरमा गरिएको समिति गठनले सरकार भ्रमपूर्ण सन्देश छर्न खोजेको आरोप लगाए । मण्डल संयोजकत्वको समितिले गैरमधेशी दलहरुको दलीय प्रयोजनका लागि मात्र छानिबन प्रतिवेदन खोजिएको हुनसक्ने उनको बुझाइ छ ।
सरकारले १९ जनाको ज्यान जाने गरी भएको जनआन्दोलन २ मा उच्चस्तरीय छानबिन आयोग गठन गरेको थियो । तर मधेश आन्दोलन जारी रहँदा करिब ५५ जनाभन्दा बढीको हत्या हुँदा कुनै पनि छानबिन समिति गठन नगरिनु दूर्भाग्यपूर्ण भएको बताइएको छ । मधेशी निजामती कर्मचारी मञ्च नेपालका केन्द्रीय सचिव शुभकान्त झाले मधेश आन्दोलनमा भएका ज्यादती र हत्याका घटनाहरुका छानबिनका लागि स्वतन्त्र न्यायिक वा नागरिक समिति गठन हुनुपर्ने बताए ।

Leave a Reply

Your email address will not be published. Required fields are marked *

%d bloggers like this: