Tuesday, November 20, 2018
Home > समाचार > सरकारी संलग्नतामा तस्करी र कालोबजारी : आयोग

सरकारी संलग्नतामा तस्करी र कालोबजारी : आयोग

NHRC LOGO1
सञ्चारक
कठमाडौं, माघ ७ ।
 
इन्धनको तस्करी र कालोबजारीलाई सरकारले नै सहयोग गरिरहेको राष्ट्रिय मानव अधिकार आयोगले जनाएको छ । आयोगले एक महिनासम्म गरेको स्थलगतलगायतका अनुगमन प्रतिवेदनमा इन्धन तस्करीमा स्थानीय प्रशासन र सुरक्षा निकायकै संलग्नतालाई पनि औंल्याइएको छ । यसको ठोस प्रमाणका रुपमा पर्साको ठोरी बजारमा सुरक्षाकर्मीहरुकै अगाडि इन्धनको अवैध र असुरक्षित ओसारपोसार, भण्डारण र कालोबजारीलाई भनिएको छ ।
आयोगको प्रतिवेदनमा बीरगञ्जबाहेकका सुचारु भइरहेको नाकाबाट समेत इन्धनको तस्करी हुने र यसमा संलग्न जनशक्तिबाट भविष्यमा आपराधिक कामसमेत हुनसक्ने उल्लेख छ । आयोगले तस्करीकै कारण राजस्वसमेत गुमिरहेकोमा ध्यानाकृष्ट गराएको छ ।
ठोरी नाकाबाटमात्र एक लाखदेखि एक लाख ५० हजार लिटर इन्धन अवैधरुपमा भित्रिरहेको आयोगले जनाएको छ ।
 
आयोग यसबारेको विज्ञप्ति पढ्न तलको लिंकमा जानुस ।
http://www.nhrcnepal.org/nhrc_new/doc/newsletter/NHRC_Nepal_Press_Release_Regarding_Black_Marketting_and_Smuggling.pdf
%d bloggers like this: