Saturday, December 15, 2018
Home > समाचार > ‘नेपालको चन्द्रमामा पनि मधेशीको भाग लाग्छ’

‘नेपालको चन्द्रमामा पनि मधेशीको भाग लाग्छ’

Ramnaresh g
सञ्चारक
काठमाडौं, माघ ६ ।
तराई मधेश सदभावना पार्टीका वरिष्ठ नेता रामनरेश रायले चन्द्रमा नेपालको भूगोलमा भए जनसाँख्यिक आधारमा मधेशीलाई त्यसमा पनि आरक्षण चाहिने बताएका छन् । मधेशीलाई चन्द्रमामा पनि आरक्षण चाहिने भन्दै मधेशविरोधी उखानटुक्कामा माहिर प्रधानमन्त्री केपी शर्मा ओलीको व्यंग्योक्तिको प्रत्युत्तरमा तमसपाका सहअध्यक्ष रायले यस्तो बताउनुभएको हो ।
पार्टी कार्यकर्ताहरुलाई आज काठमाडौंमा सम्बोधन गर्दै उहाँले  आन्दोलनको गाम्भीर्य र संवेदनशीलतालाई सरकारको मुखियाले नबुझेको भन्दै प्रधानमन्त्रीको बौलठ्ठीपनले प्रत्युत्पादक परिणाम निम्तिने चेतावनी दिनुभयो । ‘प्रधानमन्त्रीले एकल जातीय शासन हाकाहाकी थोपर्न खोज्दैछन् । यसका लागि नै उनले सामाजिक सदभाव बिगार्ने गरी मधेशीहरुलाई अपमान र तिरस्कार हुने भाषा प्रयोग गर्दैछन’्–वरिष्ठ नेता रायले भने ।
मधेशप्रति अनुदार एउटा दलका अध्यक्ष ओली अब एउटा जातका प्रधानमन्त्री बन्ने सुरमा लागेको आरोप लगाउँदै  उहाँले प्रधानमन्त्रीको हेपाहा र सनकपूर्ण अभिव्यक्तिले उनी इतिहासका कलङ्कित पात्र बन्ने निश्चित रहेको दाबी गर्नुभयो ।

%d bloggers like this: