Saturday, December 15, 2018
Home > SlideNews > मन हुनु त यस्तो पो !

मन हुनु त यस्तो पो !

dhurmus1
सञ्चारक

वर्दिबास माघ ६ ।
हास्य कलाकार धुर्मुस र सुन्तलीले महोत्तरीको वर्दिबासका अतिविपन्न मुसहरहरुलाई दुई–दुई ओटा सिरक र डसना वितरण गरेका छन् । अत्याधिक जिाडो र शीतललहरबाट कठाङिग्रदै रात बिताउन विवश रहँदैआएका लोपोन्मुख मुसहर जातिका लागि सिरकडसनाको व्यवस्था गर्ने काम धुर्मुस सुन्तली फाउन्डेसनले गरेको हो ।
फाउन्डेसनले प्रतिपरिवार एक बोरा चामल र एक बोरा दाल पनि उपलब्ध गराएको छ ।
केही दिनअघि राष्ट्रिय सरसफाई अभियान अन्तर्गत वर्दिवास पुगेका धुर्मुस र सुन्तलीले मुसहरबस्तीको अवलोकनपछि उनीहरुको जीवनस्तर उकास्न पहल गर्ने प्रतिबद्धता जनाएका थिए । गरिबी, अशिक्षा र पछयौटेपनका शिकार मुसहरको दयनीय जीवनचर्याबाट विह्वल बनेका कलाकारद्वयले सो प्रतिबद्धता जनाएको केही दिनभित्रै मुसहरबस्तीमा सरससमान वितरण गरेका हुन् ।
नेपाल कम्यूनिटी सेन्टर ओल्यान्डो, यूनाइटेड फलोरिडाको सहयोगमा धुर्मुस सुन्तली फाउन्डेसनले पाँच लाख ५० हजार भन्दा बढी रुपियाँबराबरको सहयोग प्रदान गरेको स्थानीय सञ्चारकर्मी अनिताले जनाएकी छिन् ।
पछ्यौटेपनका शिकार मुसहरहरुका बस्तीको मुहार फेर्न सके आफूहरुलाई सन्तोक हुने कलाकार धुर्मुस र सुन्तलीले बताए । उनीहरुले सो बस्तीलाई नमूना बनाउन सबैसँग सहयोगको अपील पनि गरेका छन् ।

                                                                                                                                         फोटो : अनिता वर्दिबासको वालबाट
सम्बद्ध समाचारका लागि यो लिंक हेर्नुस

http://www.sancharak.com/2016/01/11/%E0%A4%9C%E0%A4%AC-%E0%A4%AE%E0%A5%81%E0%A4%B8%E0%A4%B9%E0%A4%B0-%E0%A4%AC%E0%A4%B8%E0%A5%8D%E0%A4%A4%E0%A5%80%E0%A4%AE%E0%A4%BE-%E0%A4%A7%E0%A5%81%E0%A4%B0%E0%A5%8D%E0%A4%AE%E0%A5%81%E0%A4%B8/

%d bloggers like this: