Wednesday, February 21, 2018
Home > समाचार > महतो मंगलबार मधेश दौडाहामा जाने

महतो मंगलबार मधेश दौडाहामा जाने

R mahato1
सञ्चारक, माघ ४ ।
प्रधानमन्त्री केपी शर्मा ओलीको विशेष आमन्त्रणमा आइतबार काठमाडौं आएका सद्भावना पार्टीका अध्यक्ष राजेन्द्र महतो मंगलबार मधेश फर्कदैँछन् । बलिदानी दिवसको अवसरमा सिरहाको लहानमा आयोजित सहिद रमेश महतोको स्मृतिसभामा सहभागी हुन अध्यक्ष महतो जनकपुर हुँदै लहान जान लागेका हुन् ।
स्वास्थ्योपचार तथा राजनीतिक भेटघाटपछि नयाँ दिल्लीबाट काठमाडौं आएका महतो आइतबार क्रमिकरुपमा नेपालका लागि भारतीय राजदूत रणजीत रे, प्रधानमन्त्री केपी शर्मा ओली, पूर्व प्रधानमन्त्री एवं काँग्रेस नेता शेरबहादुर देउवा र सोमबार बिहान नेपाली काँग्रेसका सभापति सुशिल कोइरालाका साथै पार्टीका कार्यदल सदस्य महेश आचार्यसँग भेटवार्ता गरेका छन् । सोमबार नै एमाओवादी अध्यक्ष पुष्पकमल दाहालसँग फोनवार्ता गरेका महतोले आजै अबेर राति भए पनि उनीसँग भेट्ने कार्यक्रम तय भए पनि भेटघाट भएको वा नभएको बारे यो समाचार तयार पारुञ्जेल स्पष्ट भएको छैन ।
अध्यक्ष महतोको निकट सहयोगी सञ्चारकर्मी पंकज दासका अनुसार अध्यक्ष महतो मंगलबार लहानमा हुने कार्यक्रमपछि सप्तरी जाने र त्यसलगत्तै धनुषाबाट पर्सासम्म आयोजना हुने आन्दोलनका कार्यक्रममा सहभागी हुनेछन् ।

Leave a Reply

Your email address will not be published. Required fields are marked *

%d bloggers like this: