Wednesday, August 22, 2018
Home > समाचार > समाज कल्याण परिषदमा हुले हिन्दूवादीहरु

समाज कल्याण परिषदमा हुले हिन्दूवादीहरु

Hinduvadi yuva janshakti Nepal
सञ्चारक, माघ ४ ।
मुस्लिमहरुको अन्तर्राष्ट्रिय संस्था हेल्पिङ हयाण्ड्स एण्ड रिलिफ डेभलपमेण्ट(एचएचआरडी) नामक संस्थालाई नेपालका गतिविधि गर्न अनुमति दिन लागेको भन्दै एउटा हिन्दूवादी संस्थाले विरोध जनाएको छ ।
हिन्दूवादी युवा जनशक्ति संघका अध्यक्ष विकास ठाकुरको नेतृत्वमा अन्तर्राष्ट्रिय तथा राष्ट्रिय गैरसरकारी संस्थाहरुको नियमनकारी निकाय समाज कल्याण परिषद्मा सोमबार पुगेका हिन्दूवादी युवकहरुको एक समूहले एचएचआरडीलाई नेपालमा शाखा बिस्तार गर्न नदिन दबाब दिएको हो ।
संघका अध्यक्ष ठाकुरले सो संस्था धर्मबाट प्रेरित र प्रभावित रहँदैआएको र भूकम्प पीडितलाई राहत पुर्याउने उद्देश्यको आडमा धर्मान्तरण कार्यमा संलग्न हुने आरोप लगाउँदै परिषद्लाई शाखा बिस्तारको अनुमति नदिन सुझाएको बताए । ठाकुर खुमबहादुर नेतृत्वको हिन्दूवादी काँग्रेसी अभियानका अभियन्ता पनि हुन् ।
ठाकुरले धर्मान्तरण गराउने कुनै पनि संस्थालाई प्रोत्साहित गर्न नहुने बताए ।
संघको टोलीको सुझावको प्रत्युत्तरमा परिषदका सदस्यसचिव रवीन्द्र यादवले धर्मान्तरण गर्ने कुनै पनि संस्थालाई आफूहरुले अनुमति नदिने बताएको ठाकुरले जानकारी दिए ।

Leave a Reply

Your email address will not be published. Required fields are marked *

%d bloggers like this: