Saturday, December 15, 2018
Home > समाचार > रातुबाट भयो अपहरित बालकको शवोत्खनन

रातुबाट भयो अपहरित बालकको शवोत्खनन

आनन्द मिश्र/
जलेश्वर, माघ ४ ।
जलेश्वर नगरपालिकाको वडा नं. १२ मलिवाराबाट बिहीबार साँझ अपहरणमा परेका ११ वर्षीय बालक आइतबार राति मृत अवस्थामा फेला परेका छन् । मलिवाराका नवीन पाण्डेका छोरा निश्चल पाण्डेको शव जलेश्वर–१३ स्थित रातु खोलाको किनारबाट बरामद भएको हो ।
रातु खोलाको पश्चिम किनारमा खरघारीमा गाडिएको अवस्थामा आइतबार राति फेला परेको महोत्तरी प्रहरीले जनाएको छ । बिहीबार साँझ मलिवाराको बसबिसौनीमा डुलिरहेका बालक निश्चललाई केही व्यक्तिहरुले त्यहीँबाट अपहरण गरेका थिए । गाउँघरका सबैजना चारैतिर खोजतलास गरे पनि उनी फेला परेका थिएनन् ।

balak

घटनापछि अनुसन्धानका लागि प्रहरीले शुक्रबार जलेश्वरका तीनजना युवालाई पक्राउ गरेको थियो । उनीहरुकै बयानका आधारमा बालक पाण्डेको शव गाडिएको ठाउँ पहिचान गरेर शवोत्खनन गरिएको छ ।

ratu nadi

मृतक बालकको शवपरीक्षणका लागि जिल्ला अस्पताल जलेश्वरमा ल्याइएको छ भने घटनाबारे थप अनुसन्धान भइरहेको महोत्तरीका प्रहरी उपरीक्षक जनक भट्टराईले बताए ।

balak1

%d bloggers like this: