Friday, May 25, 2018
Home > समाचार > तमलोपा अध्यक्ष ठाकुर सम्धीसँग दिल्ली पुगे

तमलोपा अध्यक्ष ठाकुर सम्धीसँग दिल्ली पुगे

Mahabtha Thakur G
सञ्चारक, माघ ३ ।
हिँडडुल र गोडा मोड्नमा तीन हप्तायता समस्यामा रहनुभएका तराई मधेश लोकतान्त्रिक पार्टीका अध्यक्ष महन्थ ठाकुर उपचारका लागि आज अपरान्ह दिल्ली पुग्नुभएको छ । अपरान्ह ४ बजेको उडानबाट दिल्ली पुग्नुभएका अध्यक्ष ठाकुरका साथमा उहाँका सम्धी एवं पूर्वमन्त्री उमाकान्त झा र पार्टीका सांसद केदारनन्दन चौधरी हुनुहुन्छ ।
सोमबार बिहान दिल्लीस्थित मेदान्त अस्पतालमा उहाँको उपचार हुने तय भएको छ । बाँया खुट्टाको घुँडामुनिको भागमा एक इन्च चौडाई र ३ इन्च लम्बाई सिस्ट भएपछि उहाँलाई सामान्यरुपले कामकाज गर्न कठिन हुँदैआएको थियो । मुटुमा पेसमेकर भएकोले सिस्टलाई हटाउन सुविधासम्पन्न अस्पतालमा जान काठमाडौंका चिकित्सकहरुले दिएको सल्लाहअनुसार उहाँ दिल्ली पुग्नुभएको तमलोपाका केन्द्रीय सदस्य एवं अध्यक्ष ठाकुरका निकट सहयोगी डा.सुरेन्द्रकुमार झाले बताए ।
शल्यक्रिया गरेर सिस्टलाई झिक्नुपरेमा दश दिनसम्म लाग्ने वा सुईको प्रयोग गरी सिस्टभित्रको झोल पदार्थलाई झिकिए एक–दुई दिनमै अध्यक्ष ठाकुर स्वदेश फर्कनु हुनेछ ।
नयाँदिल्लीमा भने उहाँको राजनीतिक भेटघाट तत्काल तय गरिएको छैन । स्वास्थ्यस्थिति अनुकूल भएपछि उहाँले महत्वपूर्ण राजनिितक भेटघाट गर्ने जनाइएको छ । .

Leave a Reply

Your email address will not be published. Required fields are marked *

%d bloggers like this: