Saturday, December 15, 2018
Home > समाचार > काठमाडौं आउनेबित्तिकै राजेन्द्र महतोले भारतीय दूतसँग डिनर गर्ने

काठमाडौं आउनेबित्तिकै राजेन्द्र महतोले भारतीय दूतसँग डिनर गर्ने

प्रधानमन्त्री ओलीलगायत पूर्वप्रधानमन्त्रीहरुसँग पनि भेट्ने कार्यक्रम तय

R mahato1

सञ्चारक, माघ ३ ।
सद्भावना पार्टीका अध्यक्ष राजेन्द्र महतो अबको केही बेरपछि काठमाडौंमा अवतरण गर्दैछन् । मधेश आन्दोलनका मागहरु पुरा नभएसम्म राजधानी नआउने पटकपटकको प्रतिबद्धताविपरित अध्यक्ष महतो भारतको राजधानी नयाँ दिल्लीबाट सोझै काठमाडौं आउने भएका हुन् ।
केही दिनअघि प्रधानमन्त्री केपी शर्मा ओलीले फोनमार्फत् नेपाल आएर समस्याको समाधान गर्ने प्रक्रियामा सहभागी हुन आग्रह गरेपछि सद्भावना अध्यक्ष महतो काठमाडौं आउन लागेको पार्टीका महासचिव मनीष सुमनले बताए । सुमनले अध्यक्ष महतो अहिले १२ बजेर ३० मिनेटमा काठमाडौं विमानस्थलमा आइपुग्ने र सोही ठाउँमा पत्रकार सम्मेलन गर्ने जानकारी दिए ।
विराटनगरको नाकामा नेपाली सुरक्षाकर्मीको गम्भरि आक्रमणमा परी घाइते भएका महतोलाई उपचारका लागि काठमाडौं विमानस्थल हुँदै नयाँ दिल्ली लगिएको थियो । नयाँ दिल्लीको मेदान्त अस्पतालमा उपचारपछि तङ्ग्रिएका उनले लगातार भारत सरकारका सदस्य, अधिकारी र प्रतिपक्षी दलका नेताहरुसँग भेटेर मधेश आन्दोलनको सार्थक निकासका लागि पहल गर्न आग्रह गरेका थिए ।
सीमानाकामा मधेशी केन्द्रित दलहरुले गरिरहेको धर्नालाई फिर्ता लिने भारतीय पक्षको आग्रहको प्रत्युत्तरमा उनले चित्तबुझ्दो निकासबिना सीमानाकाको धर्ना भारतीय दबाबमा खुले मधेशी जनतासमेत भारतविरोधी हुने भारतीय अधिकारीहरुलाई सुझाएका थिए । मधेश आन्दोलनपछि सामान्यतया गैरमधेशी र गैरथारुहरुलाई भारतविरोधीका रुपमा बुझिदैँ आएको छ ।
नेपालको अस्थिरता र मधेश आन्दोलनलाई लिएर नेपालको एउटा सिङ्गो समुदायमा उत्पन्न भारतविरोधी प्रबल भावना, सीमावर्ती क्षेत्रको सुरक्षासम्बन्धी अस्तव्यस्तता र नेपाल सरकारले लगातार बनाइरहेको दबाबपछि भारतले आन्दोलनरत दलहरुलाई सहमतिमा आउन भनिरहेको बेला मधेशका माग पुरा नहुँदै महतो काठमाडौं आउन थालेको जानकारहरु बताउाछन् । भारतले नेपालस्थित दूतावास र सोझै दिल्लीमा नेपाल हेर्ने अधिकारीहरुमाफर््त सरकार, मुख्य प्रतिपक्षी र संयुक्त लोकतान्त्रिक मधेशी मोर्चाका कार्यदलका सदस्यहरुलाई समेत अधिकतम लचकता अपनाएर सहमति गर्न दबाब दिदैँआएको छ ।
हिजो साँझ मात्र भारतका राष्ट्रपति प्रणव मुखर्जीसँग भेटेका अध्यक्ष महतोले आइतबार काठमाडौं उत्रनासाथ आजै साँझ प्रधानमन्त्री केपी शर्मा ओलीसँग भेट्ने कार्यक्रम रहेको छ । त्यसगत्तै आजै भारतयि राजदूतसँग डिनर भेटघाट रहेको बताइएको छ ।
अध्यक्ष महतोले मुख्य प्रतिपक्षी दल नेपाली काँग्रेसका सभापति सुशिल कोइराला, सत्ता साझेदार दल एनेकपा माओवादीका अध्यक्ष पुपष्कमल दाहाल प्रचण्ड, नेपाली काँग्रेसका नेता शेरबहादुर देउवा र नयाँ शक्तिका संयोजक डा.बाबुराम भट्टराईसँग भोलि सोमबार भेट्ने कार्यक्रम रहेको पार्टीका सहमहासचिव देवेन्द्र यादवले बताए । तर प्रधानमन्त्रीलगायत अन्य पूर्वप्रधानमन्त्रीहरुमध्ये डा.भट्टराईसँगको भेटघाटको समय निर्धारित नभइसकेको महासचिव सुमनले प्रष्ट पारे ।
सहमहासचिव यादवले ती भेटघाटहरुका मधेश आन्दोलनलाई सार्थक ढंगले सम्बोधन गर्ने विषयमा कुराकानी केन्द्रित रहनेछन् । उनले ती कुराकानीबाट सार्थक निष्कर्षको समभावना नभएको अनुभव हुनासाथ मधेश आन्दोलनलाई थप कडा पारिने बताए ।
मधेश आन्दोलनका मागहरु पुरा हुने आशामा सद्भावनाले हिजोबाट आफ्नो प्रतिनिधिलाई सरकार तथा मुख्य प्रतिपक्षीहरुका कार्यदलसँग कुराकानीमा पठाएको छ । पार्टीका सहअध्यक्ष लक्ष्मणलाल कर्णले हिजोको कार्यदलहरुको संयुक्त बैठकमा सहभागिता जनाएका छन् ।

काठमाडौं आउनुपूर्व अध्यक्ष महतोको पक्षमा हिजो मधेशका अधिकांश जिल्लामा लाठी जुलुसबाट शक्ति प्रदर्शन गरिएको थियो ।

%d bloggers like this: