Sunday, February 18, 2018
Home > समाचार > काँग्रेसको जनाधार जोगाउन निधि महामन्त्रीमा लड्ने

काँग्रेसको जनाधार जोगाउन निधि महामन्त्रीमा लड्ने

Bimalrendra Nidhi
सञ्चारक माघ १ ।

नेपाली काग्रेसका नेता एवं पूर्व महामन्त्री विमलेन्द्र निधिले पार्टीको आसन्न महाधिवेशनमा महामन्त्री पदको उम्मेदवार बन्ने निश्चित भएको छ । पार्टीका उपसभापति पदमा उम्मेदवारी दिने र त्यसका लागि राजनीतिक सन्तुलन बनाइरहेको आशंका गरिएको बेला उनले महामन्त्री पदमा उम्मेदवारी दिने कुरा सार्वजनिक भएको हो ।
उनको महामन्त्री पदमा चुनाव लड्ने घोषणाले निधिले खेमा परिवर्तित गरेर पार्टीको संस्थापन पक्ष अर्थात् सभापति सुशिल कोइरालालाई सघाउने अड्कलमा पनि विराम लागेको छ ।
मधेश आन्दोलन एकमा ठूला दलहरु अलोकप्रिय भइरहँदा पार्टी महामन्त्रीका रुपमा तराईमधेशमा काँग्रेसको साख जोगाएका निधिलाई काँग्रेसीहरुले महामन्त्रीकै रुपमा दोहोरिन आग्रह गरेपछि उनले यस्तो निर्णय गरेको बताइएको छ ।
निधि महामन्त्री भएपछि तराई मधेशमा खस्किँदै गएको काँग्रेसको जनाधार पुनस्र्थापित हुने विश्वास गरिएको छ ।
यद्यपी नेता निधिले भने उम्मेदवारीका विषयमा औपचारिक घोषणा गरेका छैनन् । निधिका पारिवारिक सदस्यसमेत रहेका स्वकीय सचिव विश्वास बिक्रमले उनले महामन्त्री पदमै उममेदवारी दिने कुराको पुष्टि गरेका छन् ।
पार्टीभित्र देउवा खेमाको दह्रो खाम्बो मानिएका निधि धनुषाको संसदीय क्षेत्र नम्बर ३ बाट प्रत्यक्षतर्फका निर्वाचित सांसद हुन् ।

Leave a Reply

Your email address will not be published. Required fields are marked *

%d bloggers like this: