Wednesday, August 22, 2018
Home > समाचार > आन्दोलनकै रुपमा माघी महोत्सव मनाइने

आन्दोलनकै रुपमा माघी महोत्सव मनाइने

maghi1

सञ्चारक,पुस ३० ।
थारुहरुको मौलिक र विशिष्ठ साँस्कृतिक पर्व माघी महोत्सवलाई यसपटक आन्दोलनको रुपमा मनाइने भएको छ । थारु समुदायले नयाँ वर्षको रुपमा समेत मनाउने माघी पर्वलाई काठमाडौंमा यसपटक मधेश तथा थरुहट आन्दोलनको प्रतिबिम्बन हुने गरी मनाउने थारु राष्ट्रिय माघी महोत्सव २०७२ मूल आयोजक समितिका संयोजक चन्द्रप्रसाद चौधरीले बताए ।
गत २०५९ सालयता सरकारले माघीको अवसरमा सार्वजनिक विदा घोषणा गरेपछि काठमाडौं उपत्यकामा थारुहरुले माघी महोत्सवलाई हर्षोल्लासका साथ मनाउँदैआएका छन् । थारु परम्परा, सँस्कृति, रीतिरिवाज र समग्र जीवनशैलीलाई प्रदर्शन गरिने माघी महोत्सवका लागि यसपटक खुलामञ्चमा कार्यक्रमको आयोजना गरिएको छ ।
उपत्यकामा बसोबास गर्ने पूर्वदेखि पश्चिमसम्मका थारुहरुको सहभागिता रहने महोत्सवमा थारुहरुका परिकार, पोशाक र साँस्कृतिक नाचहरुलाई मुख्य आकर्षण मानिन्छ । महोत्सवलाई मनाउने स्वरुपका विषयमा विवाद भएपछि यसपटक शुक्रबार काठमाडौंमा दुई स्थानमा महोत्सव मनाइने भएको छ ।
महोत्सवलाई आन्दोलनकै रुपमा मनाउने कुराका पक्षधर २२ ओटा संस्थाहरु एकीकृत भएर खुलामञ्चमा कार्यक्रम आयोजना गर्दैछन् । यस कार्यक्रमका मुख्य अतिथि पूर्वप्रधानमन्त्री एवं नयाँ शक्तिका संयोजक डा.बाबुराम भट्टराई हुनेछन् ।

माघी के हो ?

https://ne.wikipedia.org/wiki/%E0%A4%AE%E0%A4%BE%E0%A4%98%E0%A5%80

 

Leave a Reply

Your email address will not be published. Required fields are marked *

%d bloggers like this: