Wednesday, February 21, 2018
Home > समाचार > टिकापुर घटनाको पछुतो छैन : लेखी

टिकापुर घटनाको पछुतो छैन : लेखी

mjs

 

सञ्चारक काठमाडौं, पुस २६ ।

आदिवासी जनजाति महासंघका पूर्वअध्यक्ष तथा थारु नेता राजकुमार लेखीले नेपालका मानव अधिकारवादीहरु ‘मानव अधिकारवादी’ नभएर ‘डलरवादी’ भएको आरोप लगाएका छन् । शनिबार राजधानीमा मधेशी पत्रकार समाजले आयोजना गरेको कार्याक्रममा थारु नेता लेखीले नेपालमा रहेका अधिकांश मानव अधिकारवादी संघ÷संस्थाले थारु, मधेशी तथा जनजातिमाथि विभेद गरिरहेको र डलरको खेती मात्र गरेको गुनासो गरे । नेता थारुले देशका मानव अधिकारवादीहरुले थारु र मधेशीमाथि भइरहेको विभेदका बारेमा बोल्न नसकेको भन्दै उनीहरुमाथि विश्वास गर्न नसकिने बताए । टीकापुरमा थारुहरुमाथि भएको अन्यायका बारेमा मानव अधिकारवादीहरुले बोल्न नसकेको उल्लेख गर्दै मानव अधिकार भनेको सेतो छालावालाहरुका लागि मात्र रहेको जिकीर गरे ।

नेपालका मानव अधिकारवादीहरु विभेदकारी र जातियतावादी भएको थप्दै उनीहरुको प्रतिवाद हुनुपर्नेमा उनले जोड दिए । नेपालका सेतो छाला भएका मानव अधिकारवादीहरु तराई मधेशको आन्दोलनलाई भड्काउने काम गरिरहेको नेता लेखीको भनाइ थियो ।

कार्यक्रममा नेता थारुले सरकारले आफूहरुसँग गरेका सम्झौताहरुलाई कार्यन्वयन नभएकाले अबकोे आन्दोलन वारपारको भइरहेको प्रष्ट पार्दै तराई मधेशको माग पुरा नहुँदासम्म तराई मधेशको बन्द नखुल्ने बताए ।

तराई मधेशमा बसोबास गर्ने थारु र मधेशीलाई भारतीय देख्नेले आफ्नो पहिलो विदेश भ्रमण दिल्ली हुने भनेर दिएको अभिव्यक्तिबाट देशमा वास्तविक नेपाली को हुन् भन्ने स्पष्ट भएको बताउँदै नेता लेखीले टीकापुर घटनामा पहिला थारुमाथि अन्याय भएपछि थारुहरुले इट्टाको जवाफ पत्थरले दिएको औंल्याए । टिकापुर घटनामा पछुताउनुपर्ने कारण नभएको पनि उनको कथन थियो ।

कार्यक्रम मधेशी पत्रकार समाजका अध्यक्ष मोहन सिंहको सभापतित्वमा सम्पन्न भएको थियो ।

 

Leave a Reply

Your email address will not be published. Required fields are marked *

%d bloggers like this: