Tuesday, December 11, 2018
Home > समाचार > जनकपुरमा आन्दोलन थप कडा

जनकपुरमा आन्दोलन थप कडा

Jnk aandolan
सञ्चारक
पसल बन्द गराउने क्रममा आन्दोलनरत संयुक्त लोकतान्त्रिक मधेशी मोर्चाका नेता तथा कार्यकर्ताहरुमाथि आक्रमण भएपछि बिहीबार साँझ जनकपुरमा भएको मोर्चाका घटक दलहरुको बैठकले आन्दोलनलाई थप कडा बनाउने निर्णय गरेको छ ।
बैठकले आमहड्ताललाई अझ सशक्त बनाउन शुक्रबारबाट पसलसँगै स्कूल र कलेजसमेतलाई पूर्णतया बन्द गराउने निर्णय गरेको हो । केही दिनयता स्थानीय शैक्षिक प्रतिष्ठानहरुमा पठनपाठन सचारु हुँदैआएको थियो ।
बैठकले आज अपरान्ह आन्दोलनकारीहरुमाथि भएको आक्रमणमा जनकपुर उद्योग बाणिज्य संघका वरिष्ठ उपाध्यक्ष विजयकुमार साह, व्यावसायीहरु आनन्द झा, पंकज जैन र सन्तोष साहलाई मधेशविरोधीको संज्ञा दिएको छ । मधेशविरोधी संज्ञा दिइएकाहरुका पसलमा तालाबन्दी गरी सटरमा मधेशविरोधी लेखिएको छ ।
बन्दको क्रममा औषधि पसलहरुलाई खोल्न छुट दिइने आन्दोलनकारीहरुले बताएका छन् ।

%d bloggers like this: