मधेश\एमबिबिएस पास गरेपछि चिकित्सा सेवाका लागि नेपाल मेडिकल काउन्सिलको चिकित्सक नाम दर्ता (लाइसेन्सिङ) परीक्षा अनिवार्य पास गर्नुपर्छ । एमबिबिएस पास गरेपनि यो परीक्षामा ३१ पल्टसम्म अनुत्तीर्ण भएका डाक्टर पनि छन् । उनी हुन शशिकुमार यादव । हालसम्म उनी काउन्सिलको परीक्षामा सबैभन्दा बढी पटक फेल हुने डाक्टर हुन् ।
उनले १२ वर्षदेखि लाइसेन्सिङ परीक्षा दिइरहेका छन् तर हालसम्म पनि उत्तीर्ण हुन सकेका छैनन् । चुभास स्टेट युनिभर्सिटी रसियाबाट सन् २००२ मा एमबिबिएस पास गरेका हुन् उनले । २०६० साल पुस ३० गते उनले पहिलोपल्ट यो परीक्षा दिएका थिए । त्यसपछि लगातार उनी परीक्षामा सामेल भइरहेका छन् तर नतिजा भने जहिले पनि एउटै आइरहेको छ, अनुत्तीर्ण !
२०४६ साल सप्तरीको पब्लिक बिन्देश्वरी माध्यमिक विद्यालयवाट एसएलसी दिएका उनी एसएलसी फेल भएका थिए । उनी कृषि विषय पास गर्न नसकेका कारण एसएलसी फेल भएका थिए । दोस्रोपल्ट परीक्षा दिएका उनले उक्त विषयमा जस्ट पास अर्थात् ३२ नम्बर मात्रै ल्याएका थिए ।
एमबिबिस पढेका यादवले एसएलसिको स्वास्थ्य शिक्षा विषयमा १०० पूर्णाङ्कमा ३५ नम्बर मात्र ल्याएका थिए ।
उनको आइएस्सीको प्रमाणपत्र नक्कली हुनसक्ने बताइएको छ । सो प्रमाणपत्रमा सामान्य कुरामा समेत त्रुटि छन् । जस्तो जियोलोजीको स्पेलिङ समेत शुद्ध लेखिएको छैन । त्यसैगरी सबैकुरा अँग्रेजी भाषामा उल्लेख मार्कसिटमा उनको नाम मात्रै नेपालीमा लेखिएको छ ।
उनी लगातार फेल भइरहेकाले एमबिबिएसको प्रमाणपत्र समेत नक्कली हुनसक्ने काउन्सिल पदाधिकारीको आशंका छ । योग्यता नपुगेका विद्यार्थीले परिवारको दबाबमा एमबिबिएस पढ्दा पटक÷पटक फेल हुने गरेको बताईन्छ । यहाँको समुदायमा खास गरी छोरालाई दाईजोकालागी मात्र एमबिबिएस पढाउने बुद्धिजिबीहरु बताउछन । अहिले पनि सप्तरीको मध्य बर्गको हरेक परिवार बाट एक जना एमबिबिएस पढाई गरिरहेको छ । नेपालमा सिमित सिट रहेका एमबिबिएस पढाईका लागी लाखौ रुपैया खर्चेर विदेश समेत पढाईका लागी गएको स्थानिहरु बताउछन । पढाई सकेर नेपाल आउदा काउन्सिलनै पास नगरी मेडिकल कलेज तथा निजि क्लिनीकहरुमा काम थालेको छ ।
केही दिनअघि मात्रै दुई डाक्टरले आफूले यो परीक्षा पास गर्न नसकेपछि अरुलाई दिन लगाएको खुलेको थियो । डा सरोज यादव र डा नविनकुमार यादवको सट्टामा परीक्षा दिइरहेका दुईजना पक्राउ परेका थिए । डा सरोज १३ पल्ट र डा नविन ७ पल्ट लाइसेन्सिङ परीक्षामा असफल भइसकेका छन् । आफूले परीक्षा दिएर पार नलाग्ने भएपछि उनीहरुले खेताला खोजेका थिए ।
डा सरोजले एसएलसीमा सेकेन्ड डिभिजन ल्याएका छन् भने एमबिबिएसमा मुश्किलले पास भएको देखिन्छ । त्यसैगरी डा नविनले पनि एसएलसीमा ४८ प्रतिशत अंक मात्रै ल्याएको देखिन्छ । भारतको बिहारबाट आइएस्सी पास गरेको प्रमाणपत्र काउन्सिलमा बुझाएका छन् ।
