Sunday, February 18, 2018
Home > समाचार > गठबन्धनले चेतायो – मधेशी मोर्चा खुट्टा नकमाऊ

गठबन्धनले चेतायो – मधेशी मोर्चा खुट्टा नकमाऊ

सञ्चारकgathbandhan
सङ्घीय समावेशी मधेशी गठबन्धनले कुनै एउटा पक्षसँग सरकारले वार्ता गरेर समस्याको समाधान ननिस्किने र मुलुक झन दूर्घटनामा फस्ने चेतावनी दिएको छ । संयुक्त लोकतान्त्रिक मधेशी मोर्चा र सरकार तथा प्रतिपक्षी काँग्रेसका कार्यदलबीच मोर्चाद्वारा प्रस्तुत एघारबुँदे मागलाई लिएर घनीभूत छलफल भइरहेको बेला गठबन्धनले बिहीबार प्रेस विज्ञप्ति जारी गरी यस्तो चेतावनी दिएको हो ।
गठबन्धनको पुस २२ र २३ गते सम्पन्न बैठकले सदनमा दर्ता गरिएको संशोधन विधेयक फिर्ता गरी आन्दोरत संघीय समावेशी गठबन्धन, संयुक्त लोकतान्त्रिक मधेशी मोर्चा, मुस्लिम आन्दोलनकारीहरु, थरुहट सङ्घर्ष समिति, आदिबासी र जनजाति लगायत सबै पक्षसँग सहमति गरी संविधान संशोधन भए अहिलेको समस्याको समाधान निस्किने ठहर गरेको छ ।
गठबन्धनले वार्ता र संवादबाट समस्याको समाधान निकाल्न आतुरता देखाउँदै सरकारको असंवेदनशीलता र गैरजिम्मेवारीपनाले त्यसो हुन नसकेको जनाएको छ । विज्ञप्तिमार्फत् गठबन्धनले मधेशका सम्पूर्ण माग पुरा नहुने गरी कुनै पनि षड्यन्त्रमा नफस्न संयुक्त लोकतान्त्रिक मधेशी मोर्चालाई सुझाएको छ ।
गठबन्धनको बैठकले आमहड्ताल र नाकाबन्दीका कार्यक्रमलाई निरन्तरता दिने निर्णयसमेत गरेको छ । पुस २६ गतेसम्मका लागि घोषित कार्यक्रमलाई थप प्रभावकारी बनाउने र पुस २७ बाट माघ ४ सम्म मधेशका हरेका जिल्लामा गठबन्धनका क्षेत्रीय समितिहरु बनाएर तीअन्तर्गतका गाविसहरुमा अन्तक्र्रिया गर्ने गठबन्धनको कार्यक्रम रहेको छ ।
सरकारले घोषितरुपमै कालोबजारी र तस्करीलाई संरक्षण दिइहेको भन्दै गठबन्धनले सो कार्यको भत्र्सना गरेको छ ।

Leave a Reply

Your email address will not be published. Required fields are marked *

%d bloggers like this: