Tuesday, May 22, 2018
Home > Uncategorized > सदभावना अध्यक्ष महतो फेरि चुटाइ खाने !

सदभावना अध्यक्ष महतो फेरि चुटाइ खाने !

r mahato
सञ्चारक
सदभावना पार्टीका राष्ट्रिय अध्यक्ष राजेन्द्र महतो स्वास्थ्यलाभपछि उत्तरप्रदेशको नोयडास्थित मेदान्त अस्पतालबाट डिस्चार्ज हुनुभएको छ । विराटनगरको जोगबनी नाकामा धर्ना दिइरहेको बेला एक साताअघि नेपाली सुरक्षाकर्मीहरुको लाठी प्रहारले गम्भीर घाइते हुनुभएका सदभावना अध्यक्ष महतोलाई विराटनगरको गोल्डन अस्पताल र धरानस्थित वीपी कोइराला स्वास्थ्य प्रतिष्ठान धरानमा प्राथमिक उपचारपछि थप उपचारका लागि दिल्ली पठाइएको थियो ।
उहाँका निकट सहयोगी पत्रकार भनिने मधेशी पत्रकार संघका अध्यक्ष पंकज दासका अनुसार स्वास्थ्यलाभपछि सदभावना अध्यक्ष महतो पुनः जोगबनीमा मधेश आन्दोलनको घोषित कार्यक्रमअनुसार जोगबनी नाकामै धर्नाकारीका रुपमा बस्ने इच्छा व्यक्त गर्नुभएको छ ।

अध्यक्ष महतोका भतिज  पार्टी केन्द्रीय सदस्य उपेन्द्र महतोका अनुसार अध्यक्ष महतोको रक्तचापमा र सुगरको स्तरमा सुधार आएपछि, सीटीस्क्यान र एमाआरआईसहित अन्य परीक्षणमा चिन्ताजनक अवसथा नदेखिएपछि अस्पतालले डिस्चार्ज गरेको बताएका छन् ।
महतोका फेसबुक पोष्टअनुसार, बीटामिन १२ को कमीका कारण कमजोरी अझै रहेको र चिकिच्सकहरुले केही दिन आराम गर्न सललाह दिएको बताइएको छ । विराटनगर नाकामा बस्दा अध्यक्ष महतोलाई प्रहरीमार्फत् हत्या गर्ने प्रयास गरेको पार्टी पदाधिकारीहरुले बताउँदैआएका छन् । उहाँ फेरि पनि नाकामा बस्दा प्रहरीले विगतको घटना दोहोर्याउने आशंका पार्टी नेताहरुको रहेको छ ।
अध्यक्ष महतोको उपचारका क्रममा सहयोगीका रुपमा उहाँका धर्मपत्नी शैलदेवी महतो र  दास रहेका थिए ।

Leave a Reply

Your email address will not be published. Required fields are marked *

%d bloggers like this: