Friday, May 25, 2018
Home > समाचार > अमेरिका बस्नेहरुको सहयोग शहीद परिवारलाई

अमेरिका बस्नेहरुको सहयोग शहीद परिवारलाई

राजविराज, । जारी मधेश आन्दोलनका क्रममा सहादत्त प्राप्त गरेका सप्तरीका ६ जनाको परिवारलाई अमेरिकामा बस्नेहरुले आर्थिक सहयोग उपलब्ध गराएका छन् । अमेरिकामा बस्दै आएका पाँच जनाले उपलब्ध गराएको आर्थिक सहयोग सहादत्त प्राप्त गरेका तीन जनाको परिवारलाई मंगलबार उपलब्ध गराइएको छ । 20160105_123915
अमेरिकाबाट पठाइएको उक्त रकम मंगलबार रामकृष्ण राउतकी पत्नी सुदामादेवी राउत, विरेन्द्र रामकी आमा विनादेवी राम र राजीव राउतकी पत्नी निलमदेवीलाई मंगलबार जनही ८ हजार तीन सयका दरले रकम हस्तान्तरण गरिएको छ । बुद्विजिवी समाज सप्तरीका संयोजक अमरकान्त झाले उनीहरुलाई रकम उपलब्ध गराए ।
अमेरिकामा बस्दै आएका संगीता झा, अभिशेष झा, डा. अर्चना कायस्त, अञ्जय श्रेष्ठ र आयुष श्रेष्ठले संयुक्त रुपमा पचास हजार रुपैयाँ पठाएका छन् । उनीहरुले व्यक्तिगत रुपमा रकम संकलन गरी सप्तरीका ६ जना सहिद परिवारकालागि उक्त रकम उपलब्ध गराएका हुन् । यसमध्ये संगीता समाजका अध्यक्ष अमरकान्त झाकी छोरी हुन् । उनकै पहलमा उक्त रकम पठाइएको हो ।
रकम हस्तान्तरण कार्यक्रममा भारदहस्थित मधेशी मोर्चाका संयोजक विरेन्द्र माझी तथा स्थानीय पत्रकारहरुको उपस्थिति रहेको थियो ।
यसअघि गत आइतवार राजविराज नगरपालिका–१ निवासी दिलिप कुमार साह र जमुनी मधेपुरा–४ का शिबशंकर दासका परिवारजनलाई प्राध्यापक झाले प्रति परिवार ८ हजार ३ सयका दरले आइतबार प्रदान गरिसकिएको झाले बताए ।

Leave a Reply

Your email address will not be published. Required fields are marked *

%d bloggers like this: