Wednesday, August 22, 2018
Home > समाचार > सदभावनाबिना बन्यो मधेशी मोर्चाको कार्यदल

सदभावनाबिना बन्यो मधेशी मोर्चाको कार्यदल

hr
सञ्चारक
निष्कर्षविहीन बन्दैआएको सरकार, प्रतिपक्ष र संयुक्त लोकतान्त्रिक मधेशी मोर्चाबीचको वार्तालाई सार्थक ढंगले अघि बढाउन आन्दोलनरत मोर्चाले तीन सदस्यीय कार्यदल गठन गरेको छ । मोर्चाले प्रस्तुत गरेको ११ सुत्रीय मागका बारेमा समग्र छलफल गर्ने कार्यादेशका साथ गठन गरिएको सो कार्यदलमा मोर्चाका एउटा घटक सदभावना पार्टी सम्मिलित रहेको छैन ।

rr
पुस १९ गते सरकार, प्रतिपक्ष र मोर्चाबीच भएको वार्तामा आन्दोलनरत मोर्चाको ११ बुँदे मागलाई लिएर घनीभूत छलफल गर्दै विद्यमान असमझदारीहरुलाई छोट्याउने सहमति भएअनुसार कार्यदल गठन गरिएको हो । कार्यदलमा तराई मधेश लोकतान्त्रिक पार्टीका वरिष्ठ उपाध्यक्ष हृदयेश त्रिपाठी, संघीय समाजवादी फोरम नेपालका सहअध्यक्ष राजेन्द्र श्रेष्ठ र तराई मधेश सदभावना पार्टीका सहअध्यक्ष रामनरेश राय रहेका छन् । सद्भावना अध्यक्ष राजेन्द्र महतोलाई गम्भीर घाइते हुने केही दिनअघि विराटनगर नाकामा प्रहरीद्वारा भएको बल प्रहारपछि सो पार्टीले सरकारले माफी माग्नुपर्ने अडान लिँदै सरकारसँगको वार्तालाई बहिष्कार गर्दैआएको छ ।

Ramnaresh g
सदभावना पार्टीले द्विपक्षीय र त्रिपक्षीय वार्तासँगै मंगलबार भएको मोर्चाको बैठकमा समेत सहभागिता जनाएन ।

Leave a Reply

Your email address will not be published. Required fields are marked *

%d bloggers like this: